శీఘ్రస్థలన సమస్యతో బాధపడుతున్నారా..?

Posted: 11/17/2015 06:54 PM IST

పెళ్లైన కొన్నాళ్ల తర్వాత కొందరు పురుషులు శీఘ్రస్ఖలన సమస్యతో బాధపడుతుంటారు. పెళ్లయిన మొదట్లో రోజుకు నాలుగుసార్లు శృంగారంలో రంజుగా పాల్గొనే పురుషులు.. కాలక్రమంలో ఆ వేగాన్ని తగ్గించేస్తారు. ఒకానొక సమయంలో సెక్స్ కు ఉపక్రమించే ముందే వీర్యం స్ఖలించే సమస్య వచ్చిపడుతుంది. అప్పుడు భర్తతోపాటు భార్యలు సైతం తీవ్ర అసంతృప్తితో బాధపడుతుంటారు. దాంతో పురుషులు ఆందోళనకు గురవుతారు. అలా ఆందోళన చెందడం వల్ల ఆ సమస్య మరింత పెరుగుతుందే తప్ప.. తగ్గదని నిపుణులు చెబుతున్నారు. తమ సమస్యను డాక్టర్ల దగ్గర చెప్పుకోవడానికి చాలామంది సిగ్గుపడుతుంటారు. అలాగే వుంటే భవిష్యత్తులో చాలా ఇబ్బందుల్ని ఎదుర్కోవాల్సి వస్తుంది. అలాంటప్పుడు ఆ సమస్య నుంచి బయటపడటం ఎలా..? అనే విషయమై సెక్సాలజిస్టులు సలహాలు సూచిస్తున్నారు.

సాధారణంగా చాలామంది పురుషులు శీఘ్రస్ఖలనం సమస్యతో బాధపడుతుంటారు. దీనికి పరిష్కారం లేదని అందరూ అపోహ పడుతుంటారు కానీ.. అలాంటిదేమీ లేదు. శీఘ్రస్ఖలనం రావడానికి కారణం ప్రోస్టేట్ సమస్యలు, మూత్రనాళ ఇన్‌ఫెక్షన్లు, స్ఖలనాన్ని ఆపి ఉంచే సెక్స్ కండరాలు బలహీనంగా ఉండటం, మధుమేహం, బీపీకి వాడే మందులు వంటివాటివల్ల ఆ సమస్య వచ్చిపడుతుంది. ఇవి శారీరక కారణాలైతే వ్యక్తిత్వంలో లోపాలు, తీవ్రమైన ఆందోళనా పూరిత మనస్తత్వం, కోపం, ఉద్రేకం, తొందరపాటు తనం, డిప్రెషన్, మానసిక ఒత్తిడి లాంటి మానసిక అంశాలు కూడా కారణాలుగా ఉంటాయి. శీఘ్రస్ఖలనాన్ని తగ్గించి అంగస్తంభన కాలాన్ని పెంచే చికిత్సా పద్ధతులు సెక్స్ మెరైటల్ థెరపీలో ఉన్నాయి. మానసిక ఆందోళన, ఆవేశం, కోపం, అనుమానం తగ్గించుకోవడానికి సైకోథెరపీ ఉంది. ఈ థెరపీ ప్రకారం నిపుణుల సలహా మేరకు చిట్కాలు పాటిస్తే.. ఆ సమస్య నుంచి వెంటనే బయటపడవచ్చునని నిపుణులు సూచిస్తున్నారు.

ఈ సమస్య నుంచి బయటపడాలంటే ఇంకో తేలికైన మార్గం కూడా వుంది. చికిత్స, కౌన్సెలింగ్‌తోపాటు భార్య సహకారం తీసుకోవాలని నిపుణులు కోరుతున్నారు. ఎందుకంటే... శ్రీఘ్రస్కలనం అనేది సెక్స్‌లో పాల్గొనే సమయంలో ఏర్పడే అభద్రతాభావం, ఆందోళన వల్ల ఏర్పడుతుందని చెపుతున్నారు. శృంగారంలో భార్యను సంతృప్తి పరచలేక పోతామేమోనన్న అభద్రతాభావం ఉన్న వారిలోనే ఎక్కువగా ఈ సమస్య ఉంటుందని చెపుతున్నారు. అందువల్ల ఈ సమస్యకు వైద్యులను సంప్రదించడం కంటే.. జీవిత భాగస్వామితోనే చర్చించాలని సలహా ఇస్తున్నారు. ఆ తర్వాత భార్యాభర్తలిద్దరు కలిసి మంచి సెక్సాలజిస్ట్‌‌ వద్దకు వెళ్లి ఎలాంటి దాపరికం లేకుండా సమస్యను వివరించి కౌన్సిలింగ్ తీసుకుంటే సమస్యకు పరిష్కారం లభిస్తుందని సెక్సాలజిస్టులు చెపుతున్నారు.