రోజులో ఎన్నిసార్లు శృంగారంలో పాల్గొంటే మంచిది?

Posted: 08/12/2015 03:00 PM IST

దంపతులకు ‘శృంగారం’ ఓ వరం లాంటిది. అందులో పాల్గొన్నప్పుడు పొందే అమితానందం బహుశా ఈ విశ్వంలో మరే వస్తువు తీర్చలేదు. ఇంతటి అద్భుతమైన ఈ కార్యంలో రెగ్యులర్ గా పాల్గొంటే.. భావప్రాప్తితోపాటు ఆరోగ్య ప్రయోజనాలు కూడా వుంటాయి. అందుకే.. దంపతులిద్దరూ ఎన్ని ఇబ్బందులున్నప్పటికీ రెగ్యులర్ గా శృంగారంలో పాల్గొనాలంటూ నిపుణులు సూచిస్తున్నారు. అయితే.. చాలామంది దంపతులకు సెక్స్‌లో రోజుకు ఎన్నిసార్లు పాల్గొనాలన్న అంశంపై సందేహం ఉంటుంది.

ఒకరోజులో ఎక్కువసార్లు శృంగారంలో పాల్గొనడం వల్ల భర్త ఆరోగ్యం దెబ్బతింటుందని, బాగా నీరసించి పోతాడని కొందరు భావిస్తుంటారు. ఆ ఊహతోనే చాలామంది భార్యలు తమ భర్తలను దూరంగా వుంచుతారు. వారానికి ఒకసారి సెక్సులో పాల్గొనేందుకే అనుమతి ఇస్తారు. అయితే.. రోజులో ఎక్కువసార్లు పాల్గొంటే భర్తలు నిజంగానే నీరసించిపోతారా..? అనే అంశంపై నిపుణులు కొన్ని ఆసక్తికరమైన విషయాలు వెల్లడిస్తున్నారు. సాధారణంగా సెక్స్‌లో ఇన్నిసార్లు పాల్గొంటేనే ఆరోగ్యకరమనీ అంతకుమించి ఎక్కువసార్లు పాల్గొంటే అనారోగ్యమని చెప్పేందుకు వీలులేదు. అంటే.. శృంగారంలో పాల్గొనడానికి గణాంకాలు అంటివి వుండవని వారంటున్నారు.

భార్యాభర్తలు తమ ఇష్టానుసారంగా, వారి వెసులుబాటను బట్టి ఎన్నిసార్లైనా సెక్స్‌లో పాల్గొనవచ్చని చెపుతున్నారు. ఎంత ఎక్కువగా సెక్స్‌లో పాల్గొంటే వారి మధ్య ఆకర్షణ, ప్రేమ, కోర్కెలు మరింత బలంగా ఉంటాయని చెప్పొచ్చు. అంతేగానీ.. భర్త ఆరోగ్యం పాడవుతుందని ఊహించడం నిజంగానే తెలివితక్కువ పని అంటున్నారు. మూడ్ వచ్చినప్పుడల్లా సెక్సులో పాల్గొంటేనే అందులో పూర్తి మజాను ఆస్వాదించవ్చని చెబుతున్నారు.