మకావు ఓపెన్ ఫైనల్లోకి దూసుకెళ్లిన సింధు

Posted: 11/28/2015 06:33 PM IST

డిఫెండింగ్ చాంపియన్ పీవీ సింధు మకావు ఓపెన్ గ్రాండ్ఫ్రి గోల్డ్ బ్యాడ్మింటన్ టోర్నమెంట్ లో ఫైనల్లోకి దూసుకెళ్లింది. మకావు ఓపెన్ లో తన ఛాంఫియన్ షిప్ టటైటిల్ ను మరోమారు నిలుపుకునేందుకు సింధూ మరో అడుగు దూరంలో వుంది. లక్షా ఇరవై వేల అమెరికన్ డాలర్లు బహుమతిగా ప్రకటించిన మకావు ఓపెన్ గ్రాండ్ఫ్రి గోల్డ్ బ్యాడ్మింటన్ టోర్నమెంట్ లో సింధూ వెనక్కు తిరగకుండా దూసుకుపోతోంది. ఇప్పటికే రెండు పర్యాయాలు టైటిల్ ను సాధించిన సింధూ మరో పర్యాయం ఈ టైటిల్ ను దక్కించుకునేందుకు చివరి అంకానికి చేరింది.

శుక్రవారం జరిగిన క్వార్టర్ ఫైనల్ మ్యాచ్ లో చెన్ ను 21-13, 18-21, 21-14 తో ఓడించిన సింధూ.. అదే జోరుతో శనివారం సెమీ ఫైనల్స్ విజయాన్ని సాధించింది. జపాన్ చెందిన సయాకా సోటోను 21-13, 13-21, 23-21తో ఓడించిన జపాన్ క్రీడాకారిణి అకానే యామగచి సెమీస్ లో సింధూతో తలపడింది. ఇవాళ జరిగిన మహిళల సింగిల్స్ సెమీఫైనల్లో ఐదో సీడ్ సింధు 21-8, 15-21, 21-16 తో జపాన్ క్రీడాకారిణి అకానె యామగుచి పై విజయం సాధించి ఫైనల్లోకి ప్రవేశించింది. టోర్నమెంట్ ఫైనల్ ఆదివారం జరగనుంది.

జి. మనోహర్