భారత క్రికెట్ జట్టు చీఫ్ కోచ్ అనిల్ కుంబ్లే పదవీకాలం ఛాంపియన్స్ ట్రోఫీ అనంతరం ముగియనున్న విషయం తెలిసిందే. ఆ ప‌దవి కోసం ఇప్ప‌టికే బీసీసీఐ ద‌ర‌ఖాస్తుల‌ను కూడా ఆహ్వానించింది. అయితే, ఛాంపియ‌న్స్ ట్రోఫీ అనంత‌రం టీమిండియాకి వెస్టిండిస్ తో టోర్నీ ఉండ‌డం, ఇప్ప‌టికీ కొత్త కోచ్ ఎంపిక ప్ర‌క్రియ ముగియ‌క‌పోవ‌డంతో బీసీసీఐ ఈ రోజు కీల‌క నిర్ణయం తీసుకుంది.

 

టీమిండియా కోచ్ కుంబ్లే ప‌ద‌వీకాలాన్ని పొడిగిస్తున్న‌ట్లు, వెస్టిండీస్‌తో సిరీస్ ముగిసేవ‌ర‌కు ఆయ‌న కొన‌సాగుతార‌ని ప్ర‌క‌ట‌న చేసింది. ఇప్పటికే కోహ్లీ, కుంబ్లే వివాదాలు తారాస్థాయికి చేరుకోగా, పైకి మాత్రం ఏం జరగనట్లే వ్యవహరిస్తున్నారన్న కథనాలు ఉన్నాయి. కోచ్ గా కొనసాగే విషయం కుంబ్లే ఇష్టమని బోర్డు సభ్యుడు వినోద్ రాయ్ వ్యాఖ్యానించాడు కూడా.