శ్రీనివాసన్ కి ఎదురే లేదు

Posted: 09/30/2013 12:39 PM IST

    డబ్బు దేన్నైనా శాసిస్తుందనటానికి ఇదో నిదర్శం. డబ్బున్న వాడు ఏం చేసినా నడుస్తుంది. వారు ఎన్ని అక్రమాలకు పాల్పడినా తన హోదాను,  పదవిని మాత్రం వదులుకోడానికి సిద్ధపడడు. ఇక్కడ కూడా అదే జరిగింది. అన్ని ప్రపంచ దేశాల క్రికెట్ బోర్డుల్లోకెల్లా అంత్యంత సంపన్నమైన భారత క్రికెట్ నియంత్రణ మండలి (బీసీసీఐ) అధ్యక్షుడిగా మళ్ళీ శ్రీనివాసనే ఏకగ్రీవంగా ఎన్నికయ్యాడు.    

   ఈయన పై గత కొంత కాలంగా అక్రమాల ఆరోపణలు వస్తున్నా, అవేవి తన ఎన్నికకు అడ్డురావని నిరూపించుకుంటూ... బీసీసీఐ అధ్యక్షుడుగా మళ్ళీ ఇతనే ఎన్నికయ్యాడు. ఆదివారం జరిగిన బోర్డు వార్షిక సర్వసభ్య సమావేశం (ఏజీఎం)లో ఆయనకు వ్యతిరేకంగా ఎవరూ నామినేషన్ దాఖలు చేయకపోవడంతో ఎంపిక లాంఛనమే అయ్యింది. అలాగే తనను వ్యతిరేకిస్తూ వచ్చిన వారికి ఆయా కమిటీల్లో స్థానం లేకుండా చేసి తన చాతుర్యాన్ని ప్రదర్శించారు.    

    మొదటి నుండి దీని కోసం తీవ్రంగా వెనక నుండి పావులు కదిపిన శ్రీనివాసన్ ఎట్టకేలకు తను అనుకున్నది సాధించాడు.  అయితే ఇప్పుడు అధ్యక్షుడిగా ఎన్నికైనా ఆయన పదవీ బాధ్యతలు తీసుకునే అవకాశం లేదు. ఆయనపై బీహార్ క్రికెట్ అసోసియేషన్ (సీఏబీ) కార్యదర్శి ఆదిత్య వర్మ సుప్రీంలో వేసిన కేసులో తీర్పు వచ్చేదాకా ఈ హోదాకు దూరంగా ఉండాల్సిన పరిస్థితి ఉంది. మళ్ళీ అధ్యక్ష పదవిలో కొనసాగనున్నాడు కాబట్టి అల్లుడు గురునాథ్ సింగ్ బెట్టింగ్ వ్యవహారం అటకెక్కినట్లే అని భావించాలా ?