సింధూ షాక్ ఇచ్చింది

Posted: 09/20/2013 11:26 AM IST

భారత తెలుగు తేజం, ఆంధ్ర ప్రదేశ్ స్టార్ బ్యాడ్మింటన్ క్రీడాకారణి పి.వి. సింధు జపాన్ ఓపెన్ బ్యాడ్మింటన్ టోర్నీ నుండి  నిష్క్రమించింది. మహిళల సింగిల్స్ ప్రిక్వార్టర్స్ లోనే ఆమె పోరాటం ముగిసింది. జపాన్ క్రీడాకారిణి యమగుచి (జపాన్ ) తో జరిగిన ఈ మ్యాచ్ లో 32 నిమిషాల పాటు జరిగిన మ్యాచ్ లో 6-21, 17-21తో సింధు ఓటమి పాలైంది. దీంతో జపాన్ టోర్నీ లో ఆమె పోరు ముగింది. మరో వైపు పురుషుల సింగిల్స్లో ఏపీ రైజింగ్ స్టార్ కె.శ్రీకాంత్, ప్రపంచ 56వ ర్యాంకర్ హెచ్‌ఎస్ ప్రణయ్ క్వార్టర్ ఫైనల్లోకి దూసుకెళ్లారు. ప్రిక్వార్టర్స్‌లో కాజుటెరు కొజయ్(జపాన్)పై శ్రీకాంత్ 21-12 21-16తో విజయం సాధించాడు. అరగంటలోనే మ్యాచ్ ముగించాడు. మరో మ్యాచ్లో జాన్ ఒ జొర్జన్సెన్(డెన్మార్క్)పై ప్రణయ్ 21-14 13-21 21-17తో గెలుపొందాడు. 30 నిమిషాల పాటు జరిగిన ఈ మ్యాచ్‌లో శ్రీ.. స్మాష్‌లతో చెలరేగాడు.