అనుష్కతో కోహ్లీ ఘాటు కెమిస్ట్రీ

Posted: 08/28/2013 02:03 PM IST

సినీ స్టార్లు, క్రికెటర్లు అప్పుడప్పుడు స్టేజ్ ల పైనా, రియాల్టీ షోల్లో డాన్స్ లు వేసి ప్రేక్షకుల్ని అలరిస్తారు. గతంలో పలు రియాల్టీ షోల్లో సనత్ జయసూర్య, హర్భజన్ సింగ్ లాంటి వాళ్ళు చిందులేశారు. శ్రీశాంత్ కూడా ఓ ప్రోగ్రాం కోసం చిందులేసి అలరించాడు. ఇప్పుడు వారి సరసన యువ కెరటం, ఇండియా వైస్ కెప్టెన్ విరాట్ కోహ్లీ కూడా వచ్చి చేరాడు. ఈయన ఏకంగా బాలీవుడ్ బ్యూటీ అనుష్కతో చిందులు వేయబోతున్నాడు. ఓ వాణిజ్య ప్రకటన కోసం. ఓ షాంపూ ప్రకటనలో కోహ్లీ, అనుష్క నటిస్తున్నారు. ఈ జోడీ నల్లటి దుస్తుల్లో లాటిన్ అమెరికా స్టయిల్‌లో డాన్స్ అదరగొడుతున్నారు. ప్రస్తుతం రిహార్సల్స్ చేస్తున్నారు. ఇద్దరి మధ్య మంచి కెమిస్ట్రీ కుదిరిందని సమాచారం. గతంలో సెల్ కాన్ మొబైల్స్ కోసం తమన్నాతో కలిసి నటించిన కోహ్లీ ఇప్పుడు అనుష్కతో చిందులు వేయబోతున్నాడు. ఇటు బ్యాటింగులోనూ, ఆటు రొమాన్స్ లోనూ కోహ్లీ చించేస్తున్నాడని అంటున్నారు.