Posted: 03/26/2013 01:21 PM IST

ఐసీసీ తాజాగా విడుదల చేసిన జాబితాలో వన్డేల్లో ప్రపంచ ఛాపింయన్ అయిన టీం ఇండియా (119) పాయింట్లతో ప్రథమ స్థానంలో నిలిచింది. ఈ జాబితాను కటాఫ్ తేదీ నాటికి అంటే ఏప్రిల్ 1వ తేదీ నాటికి ఏ జట్టు కూడా భారత్ ని అధికమించలేక పోవడంతో టీం ఇండియా అగ్రస్థానంలో ఉంటుంది. తదుపరి స్థానంలో ఇంగ్లాండ్ (117) పాయింట్లతో, ఆస్ట్రేలియా (116) పాయింట్లతో రెండు మూడు స్థానాల్లో నిలిచాయి. ప్రథమ స్థానంలో నిలిచిన ఇండియా టీంకి ఐసీసీ ట్రోఫీతో పాటు, 90 లక్షల నగదు బహుమతి కూడా రానున్నాయి. రెండో స్థానంలో నిలిచిన జట్టుకు 40 లక్షల రూపాయల నగదు బహుమతి వస్తుంది. ఇక బ్యాటింగ్ విభాగంలో విరాట్ కోహ్లీ (3), కెప్టెన్ ధోనీ (4) తమ స్థానాలు నిలబెట్టుకున్నా రు. సురేష్ రైనా (12), గౌతమ్ గంభీర్ (15) టాప్-20లో చోటు దక్కించుకున్నారు. కాగా, దక్షిణాఫ్రికా స్టార్లు ఏబీ డివిల్లీర్స్ అగ్రస్థానంలోనూ, హషీమ్ ఆమ్లా ఆ తర్వాతి స్థానంలోనూ నిలిచారు. బౌలర్ల జాబితాలో భారత స్పిన్నర్ రవీంద్ర జడేజా రెండు స్థానాలు ఎగబాకి ఏడో స్థానానికి చేరుకున్నాడు. ఆల్‌రౌండర్ల జాబితాలో జడేజా ఐదోస్థానం దక్కించుకున్నాడు .