Posted: 03/15/2013 05:14 PM IST

 నలుగురు ఆటగాళ్లపై  వేటుతో  కుంగిపోయిన  ఆస్ట్రేలియా  జట్టులో  ఉత్సాహం నింపాలంటే  ఏమి చేయాలి? ఈ విషయం పై  ఆస్ట్రేలియా  మాజీలు  చాలా మంది చాలా ప్రతిపాదనలు చేస్తున్నారు. స్పిన్  దిగ్గజం  షేన్ వార్న్  మాత్రం అందరికంటే భిన్నమైన సలహా ఇచ్చారు.  ఆస్టేలియా జట్టులో సమస్యలు పరిష్కారం  కావాలంటే  ప్రత్యేకంగా  ఏమీ  చేయాల్సిన  పనిలేదు.  ఆటగాళ్లందరినీ  ఓ గదిలో ఉంచి .. మందు, సంగీతంతో  సేదదీరేలా చేస్తే సరిపోతుంది.  ఇలా చేయడం ద్వారా  ఆటగాళ్లు  త్వరగా  కలిసిపోతారు.  వారి మధ్య విభేదాలు  తొలగిపోతాయి.  మిగతా టెస్టుల్లో  జట్టు ప్రదర్శన మెరుగయ్యేందుకు  ఆరోగ్యకర  చర్చలు సాగుతాయి అని  వార్న్  మొహాలీ  టెస్టుకు  ముందు  సెలవిచ్చాడు.  ఆటగాళ్లపై  వేటు వేయడం వల్ల ఒరిగేదేమీ లేదని,  జట్టు ప్రదర్శన  మెరుగవడం పై  ఆస్ర్ర్టేలియా  టీమ్ మేనేజ్ మెంట్ ద్రుష్టి పెడితే బాగుంటుందని  షేన్ వార్న్ అన్నారు.