Posted: 03/05/2013 01:58 PM IST

భారత్ - ఆస్ట్రేలియా టెస్ట్ సిరీస్ లో భాగంగా ఉప్పల్ లోని రాజీవ్ గాంధీ ఇంటర్నేషనల్ క్రికెట్ స్టేడియంలో జరిగిన రెండో టెస్టు మ్యాచ్ లో ఇన్నింగ్స్ 135 పరుగుల తేడాతో కంగారులను ధోని సేన చిత్తు చేసింది. మొదటి ఇన్నింగ్స్ లో భారత్ ఇచ్చిన ఆధిక్యాన్ని ఛేదించేందుకు నిన్న సెకండ్ ఇన్నింగ్స్ ప్రారంభించిన ఆస్ట్రేలియా మూడో రోజు రెండు వికెట్లు కోల్పోయి 72 పరుగులు చేసింది. ఓవర్ నైట్ స్కోరుతో నాలుగో రోజు ఆట ప్రారంభించిన రెండు గంటల్లోనే ఎనిమిది వికెట్లు కోల్పోయి చావుదెబ్బ తింది. భారత స్నిన్నర్లు విజృంభించడంతో కంగారులు పెవిలియన్ బాట పట్టారు. రెండో ఇన్నింగ్స్‌లో 131 పరుగులకే ఆసిస్ కుప్పకూలింది. నాలుగు టెస్టుల సిరీస్‌లో భారత్ 2-0 ఆధిక్యంలో ఉంది. ఇక టెస్ట్ల్లో 22వ విజయం నమోదు చేసి ధోనీ కెప్టెన్గా రికార్డు సృష్టించాడు. జడేజా, అశ్విన్ స్పిన్ దాటికి కంగారులు విలవిలలాడి పోయారు. ఇక ఈ టెస్టులో డబుల్ సెంచరీ చేసిన పుజారాకి మ్యాన్ ఆఫ్ ద మ్యాచ్ అవార్డు దక్కింది. టీమిండియా విజయంతో అభిమానులు సంబరాలు చేసుకున్నారు.