Posted: 02/21/2013 11:07 AM IST

విరాట్ కోహ్లీ... ఈయనను ఈ మధ్య మాజీ క్రికెటర్లు టీం ఇండియా భవిష్యత్ సారథిగా అభివర్ణిస్తున్నారు. ఆ మధ్య ధోని కెప్టెన్ గా కొన్ని మ్యాచ్ ల్లో విఫలం అయినప్పుడు ఈయను టీమ్ ఇండియా కెప్టెన్ చేయాలనే ప్రతిపాదనలు వచ్చాయి. అయితే భవిష్యత్తుతో కెప్టెన్ సంగతి మాట అటుంచితే... ఇప్పుడే అతను కెప్టెన్ అయ్యాడు. కానీ టీం ఇండియాకి కాదు.. బెంగుళూరు ఐపీఎల్ టీమ్ కి. త్వరలో జరగనున్న ఐపీఎల్ ఆరో సీజన్ కోసం బెంగుళూరు రాయల్ ఛాలెంజర్స్ టీం కెప్టెన్ గా కోహ్లీని నియమిస్తూ ఆ జట్టు మేనేజ్ మెంట్ నిర్ణయం తీసుకుంది. ఐపీఎల్ ఆరో సీజన్‌లో న్యూజిలాండ్ మాజీ కెప్టెన్ వెట్టోరి స్థానంలో బెంగళూరు సారథిగా కోహ్లీ బాధ్యతలు చేపట్టనున్నాడు. ఈ విషయాన్ని బెంగళూరు జట్టు యజమాని విజయ్ మాల్యా చెప్పారు. తన పై మేనేజ్ మెంట్ నమ్మకం ఉంచి కెప్టెన్సీ తనకు అప్పగించడాన్ని సవాల్‌గా తీసుకుని జట్టును విజయపథంలో నడుపుతానని కోహ్లీ చెప్పాడు.