Posted: 01/15/2013 12:45 PM IST

       కనుమ పండుగవేళ క్రికెట్ అభిమానులకు హోరా హోరీ క్రికెట్ పోరును రంజు రంజుగా ఆస్వాదిస్తున్నారు.  కొచ్చి లోని జవహర్‌లాల్ నెహ్రూ స్టేడియంలో ఇవాళ భారత్, ఇంగ్లండ్‌ల మధ్య రెండో వన్డే షురూ అయింది. ఈ మ్యాచ్ లో టీమిండియా టాస్ గెలిచి బ్యాటింగ్ ఎంచుకుంది. తొలి వన్డేలో ఇంగ్లండ్ చేతిలో ఓడిన టీమిండియా ఈ మ్యాచ్ లో గెలుపు కోసం సరికొత్త ప్లాన్స్ తో ముందుకు సాగుతోంది.
        ఇదిలా ఉంటే, అయిదు వన్డేల సిరీస్‌లో మొదటి రెండు మ్యాచ్‌లు సమర్పించుకుంటే ఆ తర్వాత ప్రతి మ్యాచ్‌లో చావోరేవో అన్నట్టు పోరాడాలి. కాబట్టి రెండో వన్డే ధోనీ సేనకు కీలకం. సిరీస్ గెలిచి కనీసం వన్డేల్లో అయినా పరువు దక్కించుకోవాలంటే టీమిండియా కొచ్చిలో గెలవాలి. సొంతగడ్డపై ఇలాంటి స్థితిలో ఆడటం కచ్చితంగా ఒత్తిడితో కూడుకున్న అంశమే.
       మరోవైపు తొలివన్డేలో విజయం సాధించిన ఇంగ్లండ్ జట్టు అదే ఊపుతో రెండో వన్డేలోనూ గెలుపుపై ధీమాగా ఉంది. దీనికి ధీటుగా ధోనీ సేన మ్యాచ్ ని ఎలాగైనా సొంతం చేసుకునేందుకు శతవిధాల ప్రయత్నిస్తోంది.

        కాగా, తొలుత బ్యాటింగ్ చేసిన భారత జట్టు నిర్ణీత 50 ఓవర్లలో 6 వికెట్ల నష్టానికి 285 పరుగుల భారీ స్కోర్ చేసింది. కెప్టెన్ ధోని, రైనా, జడేజాలు చెలరేగి ఆడటంతో భారత్ భారీ స్కోరును సాధించింది. ధోని 72, జడేజా 61, రైనా 55, కోహ్లీ 37, యువరాజ్ 32 పరుగులు చేశారు. ఇంగ్లాండ్ బౌలర్లలో ఫిన్, డెర్న్ బాచ్ రెండేసి వికెట్లు, వోక్స్, ట్రెడ్ వెల్ చెరో వికెట్ పడగొట్టారు. భారత బ్యాట్స్ మెన్ ప్రతాపంతో స్టేడియంలో భారత్ బ్యాటింగ్ చేస్తున్నంత సేపూ స్టేడియంలో కోలాహల వాతావరణం వెల్లివిరిసింది.

...avnk