Posted: 08/09/2012 07:06 PM IST

ఒలంపిక్స్ లో పాపం మెడల్  సాదిద్దామాని  వెళితే చివరకు  తన మెడ పోయింది.  నిన్న చెయ్యి పోయింది. నేడు మెడ పోయింది.  పసిడి పతకాన్ని నెలబెట్టుకునేందుకు ఓ చాంపియన్ చేసిన  ప్రయత్నం  అతడిని ప్రమాదంలోకి  నెట్టింది.  లండన్  ఒలింపిక్స్  105 కేజీల సూపర్  హెవీవెయిట్   వెయిట్ లిఫ్టింగ్ బరిలోకి దిగిన  జర్మనీ  ఆటగాడు  మాథియాస్ స్టీనర్  బరువును ఎత్తే క్రమంలో  నియంత్రణ  కోల్పోయాడు.  దీంతో 196 కిలోల  బరువున్న  బార్ బెల్  అతడి మెడపై  పడింది.  అతను వెంటనే  కింద పడిపోయి బాధతో విలవిల్లాడిన  స్టీనర్ కు ప్రాథమిక చికిత్స  చేసి ఆసుపత్రికి  తరలించారు.  అయితే  మెడకు తీవ్ర ప్రమాదమేమీ  జరుగలేదని తేల్చడంతో  అతడు ఊపిరీ పిల్చుకున్నాడు.  బీజింగ్ ఒలింపిక్స్ లో  ఇదే విభాగంలో  స్వర్ణం గెలిచిన ఈ మేటి లిప్టర్ ఈ సారి  రిక్తహస్తాలతోనే వెనుదిరిగాడు.  మళ్లీ పతకం సాధించడానికే ఇక్కడకు వచ్చాను. కానీ  పోటీ మధ్యలోనే  వైదొలగాల్సివచ్చింది  అంటూ స్టీనర్ నిట్టూర్చాడు.