Posted: 02/28/2012 09:02 PM IST

ఊపిరితిత్తుల మధ్య క్యాన్సర్‌ కణితికి అమెరికాలో కీమోతెరపి తీసుకుంటున్న యువరాజ్‌ సింగ్‌ను అనిల్‌ కుంబ్లే పరామర్శించాడు. ఈ విషయాన్ని యువీ తన ట్విట్టర్‌లో పేర్కొన్నాడు. కుంబ్లే రావడం తనలో ఎంతో ధైర్యాన్ని నింపిందని యువీ అన్నాడు. కుంబ్లే వస్తాడని తాను కలలో కూడా ఊహించలేదని, అతని రాక తనను ఎంతో ఆనందానికి గురిచేసిందన్నాడు. తాను గౌరవించే కుంబ్లే తనను పరామర్శించడానికి రావడంపై యువీ సంతోషం వ్యక్తం చేశాడు. జంబో(కుంబ్లే)తో రోజంతా గడిపాను నాకిది గొప్ప ప్రేరణ అని యువీ ఫొటోలతో సహా ట్విట్టర్‌లో పేర్కొన్నాడు. గతవారంలో అలాగే తన స్నేహితుడు, నటుడు రణ్‌విజయ్ సింగ్ కూడా ఈ విధంగానే యువీ దగ్గరకు వెళ్లి పరామర్శించాడు. ఇద్దరూ కలిసి 'అందాజ్‌ అప్నా అప్నా' మూవీ చూశామని యువీ అన్నాడు. క్యాన్సర్‌ కణితికి కీమోతెరపీ తీసుకుంటున్న యువీ ఆరోగ్యం రోజురోజుకూ కుదుటపడుతోంది. తొలి దశ కీమోతెరపీ తర్వాత కణితి దాదాపు పోయిందని అతడికి చికిత్స అందిస్తున్న డాక్టర్‌ లారెన్స్‌ రిపోర్టు ఇచ్చాడు. ఇప్పుడు రెండో దశ కీమోతెరపీ జరుగుతోంది. మార్చి చివరి కల్లా యువీ కీమోతెరపీ ముగుస్తుందని మే నెల లోపు గ్రౌండ్‌లోకి అడుగుపెట్టే అవకాశాలున్నాయని అన్నారు.