Posted: 01/25/2012 08:20 PM IST

భారత రత్న రేసులో దూసుకుపోతున్న మాస్టర్‌ బ్లాస్టర్‌ సచిన్‌ టెండూల్కర్‌కు బ్రేక్‌ పడింది. నిన్నటి వరకు సచిన్‌కు భారత రత్న ఇవ్వాలంటూ సిఫారసు చేస్తూ వచ్చిన బిసిసిఐ ఇప్పుడు ఆ ప్రతిపాదనను విరమించుకుంది. భారత దేశపు అత్యున్నత పురస్కారమైన భారత రత్నకు సచిన్‌ కూడా అర్హుడని గతంలో బిసిసిఐతో పాటు మహారాష్ట్ర ప్రభుత్వం కేంద్రానికి సిఫారసు చేసిన విషయం తెలిసిందే. దాంతో అప్పటి వరకు భారత రత్న అర్హుల జాబితాలో లేని క్రీడాకారులనూ కేంద్రం ఇటీవల చేర్చింది. అయితే ఇంగ్లండ్‌, ఆస్ట్రేలియాలో వరుస పరాజయాలతో ఒకవైపు టీమిండియా కుదేలై పోవడం, తన వందో సెంచరీ ఒత్తిడిలో విమర్శల పాలవటంతో సచిన్‌కు భారత రత్న దూరమైందని క్రికెట్ వర్గాలు అంటున్నాయి. కాగా సచిన్  భారత రత్న రేసులో లేకపోవటంతో అభిమానులు నిరాశకు గురయ్యారు.