అంత క్రేజ్ పెరుగుతుందా?

Posted: 05/25/2013 11:29 AM IST

ఒక విద్యార్థి మార్చిలో ఫేయిల్ అయితే వెంటనే, జూన్ , లేదా సెక్టంబర్ లో మళ్లీ పరీక్షలు రాసి పాసై అవకాశాలు ఎక్కువుగా ఉన్నాయి. కానీ ఈమె మాత్రం ప్రేమలో ఎన్నిసార్లు పేయిల్ అయితే .. అంత క్రేజ్ పెరుగుతుంది. నయన ఈ పేరు ఇప్పుడు నాలుగు ఫిలిం ఇండస్ట్రీల్లో నలుగుతున్న పేరు. యువ హీరో నుండి సీనియర్ హీరో వరకు నయన పేరు జపం చేస్తున్నారు. రెండుసార్లు ప్రేమలో విఫలమైనా తన కెరీర్‌పై దృష్టిపెట్టి విజయం సాధించిన నయనతారను పరిశ్రమలో వింతగా చూస్తున్నారట.

వ్యక్తిగతంగా, నటిగా మంచి మార్కులు కొట్టేస్తున్న ఈ మలయాళీ భామ మార్కెట్‌ను మాత్రం ఎవరూ మార్చలేకపోయారు. ఘజిని, చంద్రముఖి వంటి విజయవంతమైన చిత్రాలతో పరిచయమై శింబుతో లవ్ ఎఫైర్ నడిపింది. దాంతో కొన్నాళ్లు తమిళ చిత్ర పరిశ్రమకు దూరమైంది. ఇదే సమయంలో తెలుగులో మంచి మార్కెట్‌రావడంతో ఇక్కడికి వచ్చేసింది. మళ్లీ ప్రభుదేవాతో ప్రేమ వ్యవహారంసాగింది. అది కూడా బ్రేక్ అయింది.

ఇలా రెండు ప్రేమకథల మధ్య నలిగిపోయిన నయనతార రెండేళ్లపాటు కెమెరాకు దూరంగా వుంది. మళ్లీ అనుకోకుండా వచ్చిన స్టార్‌డమ్‌కు రెండవ ఇన్నింగ్స్ ప్రారంభించి విజయం సాధించింది. సహజంగా హీరోయిన్లు ఒక్కసారి కెరీర్ గ్రాఫ్ పడిపోయాక మళ్లీ కోలుకోవడమనేది అరుదుగా జరిగే విషయం. అటువంటి వింత నయనతార విషయంలో జరిగింది.

గతంలో ఖుష్బూ, సిమ్రాన్, లాంటివాళ్ళు ఎంత ప్రయత్నించినా మళ్లీ ఫామ్‌లోకి రాలేకపోయారు. నయనతార ప్రత్యేకతేమిటంటే తెలుగులో తమిళంలో అగ్రహీరోల సరసన నటించి వారికి ధీటుగా నృత్యాలు చేయడమే. ప్రస్తుతం అజిత్, ఆర్య సరసన నటిస్తోంది. తెలుగు తమిళ భాషలతోపాటు హిందీ రీమేక్ కహానీలో కూడా ప్రధాన పాత్రలో కనిపించనుంది. తనకన్నా జూనియర్ అయిన కార్తీతో కూడా హీరోయిన్‌గా ఎంపికై జోరుమీద ఉంది నయనతార.