Posted: 12/21/2012 06:20 PM IST

రామ్ చరణ్ , వివి వినాయక్ కాంబినేషన్లో వస్తున్న చిత్రం ‘నాయక్ ’. ఈ సినిమా ఆడియో ఇటీవలే ఘనంగా జరిగింది. అంగరంగా వైభవంగా జరిగిన ఈ ఆడియో కార్యక్రమానికి చాలా మంది ప్రముఖులు వచ్చారు. తమన్ మ్యూజిక్ అందించిన ఈ ఆడియోకి బయటి మార్కెట్లో పెద్దగా స్పందన లేదని తెలుస్తుంది. ఈ సినిమా ఆడియో పై ఎన్నో ఆశలు పెట్టుకున్న అభిమానులకు కాస్తంత నిరాశే ఎదురైనట్లు కనిపిస్తుంది. ఈ సినిమా పాటలు జనాల్ని అంతగా ఆకట్టుకోవట్లేదని, వినడానికి వినసొంపుగా లేవని, ఒకటి, రెండు మినహా అన్నీ పాటలు ఓ మూస ధోరణిలో ఉన్నాయని, ముఖ్యంగా మ్యూజిక్ మ్యాస్ట్రో ఇళయరాజా స్వరపరిచిన ‘శుభలేక ’ పాటకి ఉన్న అందాన్ని పోగొట్టారని అంటున్నారు. సినిమాకి బ్యాక్ గ్రౌండ్ మ్యూజిక్ అదరగొట్టే తమన్ ట్యూన్ల విషయానికి వచ్చే సరికి పూర్తిగా చెడగొట్టాడని, ఒక రకంగా నాయక్ ఆడియో అట్టర్ ఫ్లాఫ్ అనే టాక్ వినిపిస్తుంది. చరణ్ సినిమా ఎన్నో ఆశలు పెట్టుకున్న సినీ జనాలు పాటలే ఇలా ఉంటే ఇక సినిమా ఎలా ఉంటుందో అని డీలా పడిపోయారు.