Posted: 04/04/2012 07:07 PM IST

తెలుగు చిత్ర సీమకు కామెడీ యాక్టర్ గా పరిచయం అయి, తరువాతి కాలంలో నిర్మాత ఎదిగి, ఇప్పుడు బడా నిర్మాతగా చెలామణి అవుతున్న నటుడు గణేష్ బాబు. తాజాగా ఈ నిర్మాత ఓ హీరోకి పనివాడిలా మారాడు. సినిమాల్లో నష్టం వచ్చి ఇలా హీరోకి పనివాడిలా మారాడని మాత్రం అనుకోకండి. గణేష్ బాబు ఎప్పుడు పవన్ కళ్యాణ్ వెంట కనిపిస్తుంటాడు. గతంలో ఇతను ‘తీన్ మార్’ చిత్రానికి ప్రొడ్యూసర్ గా వ్యవహరించాడు. గతంలో నుండి ఇతను పవన్ కళ్యాణ్ ఫ్యాన్ అయినప్పటికీ ఈ సినిమాతో వీరిద్దరి మధ్య బంధం మరింత బలపడింది.

ఇప్పుడు హరీష్ శంకర్ దర్శకత్వంలో రూపొందుతున్న ‘గబ్బర్ సింగ్’ సినిమాకి కూడా ప్రొడ్యూసర్. మొన్నట్లో ఓ ఏయిర్ పోర్టులో ఇతను పవన్ కళ్యాణ్ సూట్ కేసులు మోసుకుంటూ మీడియా కంటపడ్డాడు. దీన్ని ఓ జాతీయ దిన పత్రిక హైలెట్ చేసి రాయడంతో ఇప్పుడు ఇది హాట్ టాపిక్ అయ్యింది. ఈ నిర్మాత వ్యవహార శైలి పై సినీ పరిశ్రమలో విమర్శలు వెల్లువెత్తుతున్నాయి. ఆయన వ్యవహార శైలి చీప్‌గా ఉందని, తనో నిర్మాత అనే విషయం మరిచిపోయి విలువలకు దిగజారి పవన్ కళ్యాణ్‌కి రాయల్ సర్వెంట్‌లా మారాడని, స్టార్ దర్శకుల విషయంలోనూ ఇలానే వ్యవహరిస్తున్నాడని, ఇలాంటి వాళ్ల వల్ల నిర్మాతలకు విలువ లేకుండా పోతోందని, పెద్ద హీరోలతో, దర్శకులతో సినిమాలు చేయడం కోసం మరీ ఇంత దిగజారుడు తనమా? అంటూ కొందరు నిర్మాతలు చిటపటలాడుతున్నారట.మరి గణేష్ బాబు పవన్ కళ్యాణ్ తన సినిమా ఒప్పుకున్నందుకు ఇలా పనిచేస్తున్నాడా ? లేక అతని పై అభిమానంతో చేస్తున్నాడా ? అంటే ఆయనకే తెలియాలి.