Posted: 02/01/2012 06:19 PM IST

ఐటం భామల లాగా ఇద్దరు స్టార్ హీరోలు మారారు. ఐటం భామల లాగా వీరు మారడం అంటే ‘లింగ మార్పిడి’ చేసుకోలేదండీ. వీరు ఐటం భామల లాగా చీరలు కట్టి స్టేజి పై డ్యాన్స్ వేశారు. ఎవరా ఆ ఇద్దరు హీరోలు అని అనుకుంటున్నారా ? బాలీవుడ్ సూపర్ స్టార్స్ షారుఖ్‌ఖాన్‌, రణబీర్‌ కపూర్‌లు.

వీరు ఐటమ్‌ భామలకు ఏమాత్రం తీసిపోరని విధంగా చీరలు కట్టి డాన్స్ చేసారు. 'చిక్నీ ఛమేలీ', 'ఊలాలా ఊలాలా...' అంటూ ఆ ఇద్దరూ కలిసి డ్యాన్స్ లు చేసి అందరిని అలరించారు. వీరు అలా ఎందుకు చేశారంటే... ఇటీవల ఫిల్మ్‌ఫేర్‌ వేదికపై ప్రేక్షకులను అలరించడానికి డాన్స్ చేసిన వీడియోలు ఇప్పుడు హాట్ గా మారిపోయాయి. 57 వ ఐడియా ఫిల్మ్ ఫేర్ అవార్డు ఫంక్షన్ లో ఇది ఒక ప్రత్యేక ఆకర్షణగా మారింది. వారితో పాటు మాధురీదీక్షిత్‌ కూడా కలిసి చిందేశారు. వీరు చేసిన డాన్స్ లు అక్కడి వారికి తెగ నవ్వులు తెప్పించాయి.

ఇక షారూఖ్ వంటి సూపర్ స్టార్ ఇలా చేయటం చాలా మందిని ఆశ్చర్యంలో ముంచేసింది. అంతేగాక చాలా గ్యాప్ తర్వాత మాధురీ దీక్షిత్ లైవ్ లో డాన్స్ చేయటం అభిమానులను అలరించింది. ఇక షారూఖ్ ఖాన్ ప్రస్తుతం డాన్ సీక్వెల్ చేసి మంచి కలెక్షన్స్ రప్పించుకుని హ్యాపీ మూడ్ లో ఉన్నారు. దాన్నే స్టేజీపై ప్రతిఫలించాడని ముంబై మీడియా అంటోంది. మరో ప్రక్క రణబీర్ కపూర్ ని తెలుగు బిజినెస్ మెన్ రీమేక్ లో ఒప్పించాలని వర్మ విశ్వప్రయత్నం చేస్తున్నారు. అవసరమైతే కావాల్సిన మార్పులు చేసి తెరకెక్కిస్తామని చెప్తున్నారు.