హీరో ప్రభాస్ షేర్ చేసిన సుశాంత్ మూవీ టీజర్..!

Posted: 01/29/2021 01:15 PM IST

పాన్ ఇండియా హీరో ప్రభాస్ తన సోషల్ మీడియా వేదికగా హీరో సుశాంత్ ప్రధాన పాత్రలో నటిస్తున్న చిత్రం ‘ఇచ్చట వాహనములు నిలుపరాదు’ చిత్ర టీజర్ ను విడుదల చేశారు. ఈ టీజర్ ఆధ్యంతం ఆకట్టుకునేలా సాగింది. ‘‘ఒరేయ్ సుక్కు నా బైక్ వచ్చేసిందిరా..’’ అనే డైలాగ్ తో హీరో సుశాంత్ తనకు బైక్ పై వున్న అసక్తిని కనబరుస్తోంది. ఇక ఈ చిత్రంలో హీరోయిన్ గా నటిస్తున్న ‘మిస్ గ్రాండ్ ఇండియాగా’ మీనాక్షీ చౌదరి.. తన అఫీస్ సహచరుడైన హీరో వద్దకు వచ్చి ‘‘ ఇఫ్ యు డొంట్ మైంట్.. నన్ను డ్రాప్ చేస్తావా.? అని అడగడంతో ఆయనలో సంతోషం వెల్లివిరుస్తుంది.

అప్పటికే ఆమెపై క్రాస్ ఉన్న హీరోకు భైక్ తీసుకువచ్చిన ఆఫర్ ఇదిలా అనిపిస్తోంది. ఇక హీరో కూడా తన మాటల్లో.. ‘‘ నా లైఫ్ లో అమ్మకి, అమ్మాయికి, బైక్ కి అభినాభావ సంబంధం వుంది’’ అన్న డైలాగ్ కూడా బైక్ తో హీరోకు వున్న ఎమోషన్ తెలియజేస్తోంది. ఇక ఒక కాలనీలోని నో పార్కింగ్ ఏరియాలో బైక్ పార్క్ చేసిన హీరో పనిపై లోనికి వెళ్లడం.. దీంతో కాలనీ వాసులు బైక్ ను ధ్వంసం చేయడం.. అంతేకాకుండా ‘‘ఈ సారి వాడు బయటకు వెళ్తే అది శవంగానే’’ అన్న డైలాగ్ కూడా చిత్రంతలోని సస్పెన్స్ ధ్రిల్లర్ ను రక్తికట్టిస్తోంది.

బైక్ వల్ల హీరో సుశాంత్ లో వెల్లివిరిసే ఆనందం.. ఆ వెంటనే దాంతోనే ఆయన ఎదుర్కోనే ఇబ్బందులు టీజర్ లో కనిపిస్తున్నాయి. ‘‘ చేయి దాటిపోతుందిరా.. ఏదో ఒకటి చేయాలిగా వెంటనే..’’ అంటూ హీరో అంగలార్చడం.. చిత్రంలో సస్పెన్స్ కు పెద్దపీట వేసినట్టు తెలుస్తోంది. నూతన దర్శకుడు ఎస్ దర్శన్ చిత్రాన్ని ఆకట్టుకునేలా తీర్చిదిద్దినట్లు తెలుస్తుండగా, గత కొంతకాలంగా మంచి హిట్ కోసం ఎదురుచూస్తున్న సుశాంత్ కి ఈ చిత్రం బ్రేక్ ఇస్తుందని ఆశిస్తున్నారు. వెన్నెల కిషోర్, ప్రియదర్శి, మధు, వెంకట్ హీరో సహచరులుగా నటిస్తూ కామెడీని పండించనున్నారు. ఈ చిత్రానికి ప్రవీణ్ లక్కరాజు సంగీతాన్ని సమకూర్చుతున్నారు.