డైలాగ్ కింగ్ మెహన్ బాబు ‘సన్ ఆప్ ఇండియా’ ఫస్ట్ లుక్

Posted: 01/29/2021 12:13 PM IST

విలక్షన నటుడు, సీనియర్ హీరో, డైలాగ్ కింగ్ మోహన్ బాబు ప్రధాన పాత్రలో నటిస్తున్న చిత్రం ‘సన్ ఆఫ్ ఇండియా’. ఈ చిత్రానికి సంబంధించిన ఫస్ట్ లుక్ ను చిత్రబృందం ఇవాళ విడుదల చేసింది. ఈ ఫస్ట్ లుక్ లో ఆయన దేనినో నిశితంగా పరిశీలిస్తున్నట్లుగా వున్నారు. ఆయన గతానికి భిన్నమైన హెయర్ స్టైయిల్ తో ఈ చిత్రంలో కనిపించనున్నారు. పెద్దరాయుడు తరువాత అంతటి ప్రత్యేకత కలిగిన పాత్రలో సన్ ఆఫ్ ఇండియా చిత్రంలో కనిపిస్తున్న ఆయన.. ఈ చిత్రానికి స్ర్కీన్ ప్లే బాధ్యతలను కూడా నిర్వర్తిస్తున్నారు.

ఈ ఫస్ట్ లుక్ లో ఆయన తన వంటిపై తెల్లని కుర్తాను ధరించాగా, ఉద్విన్నంగా పరిశీలిస్తున్న కంటిచూపుతో.. ఎమోషనల్ లుక్ తో.. మెడలోని రుద్రాక్షల మాల ధరించి కనిపిస్తోంది. దశాబ్ద కాలం తరువాత ఆయన ఈ తరహాలో అత్యంత ధృడచిత్తం కలిగిన వ్యక్తిగా ఫస్ట్ లుక్ లో కనిపించనున్నారు. ఇక ఈ చిత్రానికి సంబంధించిన మరో అప్ డేట్ ఏమిటంటే.. నటి ప్రగ్యా జైశ్వాల్ కూడా కీలక పాత్రలో నటిస్తున్నారు. ఈ చిత్రానికి సంగీత సామ్రాట్ మాస్ట్రియో ఇళయరాజా సంగీతాన్ని సమకూర్చుతున్నారు.

ఈ చిత్రానికి డైమండ్ రత్నబాబు దర్శకత్వం వహిస్తున్నారు. తన సోంత బ్యానర్ లక్ష్మీ ప్రసన్న పిక్చర్స్ తో పాటు తన తనయుడు హీరో మంచు విష్ణు బ్యానర్ 24 ఫ్రేమ్స్ ప్యాక్టరీ ఈ చిత్రాన్ని తెరకెక్కిస్తోంది. ఈ చిత్రంతో ఆయన కొడలు, మంచు విష్ణు సతీమణి విరానికా మంచు స్టైలిస్ట్ గా మారాగా.. తన మామను ఈ చిత్రంలో విభిన్నంగా చూపుతున్నారు. ఈ చిత్రంలోని పాటలను సుద్దాల అశోక్ తేజ గేయరచన చేస్తున్నారు.