ఫ్యామిలీ అడియన్స్ కు దగ్గరగా ‘జోడి’ ట్రైయిలర్

Posted: 08/29/2019 08:32 PM IST

Jodi trailer of aadi saikumar shraddha srinath s film looks promising and entertaining

టాలీవుడ్ యంగ్ హీరో ఆది సాయికుమార్ - శ్రద్ధా శ్రీనాథ్ కాంబినేషన్లో 'జోడి' సినిమా రూపొందింది. విశ్వనాథ్ అరిగెల దర్శకత్వం వహించిన ఈ సినిమా, వచ్చేనెల 6వ తేదీన ప్రేక్షకుల ముందుకు రానుంది. ఈ నేపథ్యంలో ఈ సినిమా నుంచి ఒక ట్రైలర్ ను రిలీజ్ చేశారు. లవ్ .. కామెడీ .. ఎమోషన్ కి సంబంధించిన సన్నివేశాలపై ఈ ట్రైలర్ ను కట్ చేసిన చిత్ర యూనిట్ ఫ్యామిలీ అడియన్స్ ను అట్రాక్ట్ చేసేలా రూపొందించారు.

ఆది సాయికుమార్ తండ్రి పాత్రలో, బెట్టింగ్ పిచ్చోడిగా సీనియర్ నరేశ్ కనిపిస్తున్నారు. సింపుల్ గా ఉండటానికే ఇష్టపడే అమ్మాయిగా శ్రద్ధా శ్రీనాథ్ కనిపిస్తోంది. హీరో .. హీరోయిన్ మధ్య ప్రేమ సన్నివేశాలు ఈ ట్రైలర్ లో చోటుచేసుకున్నాయి. గొల్లపూడి మారుతీరావు .. సితార .. వెన్నెల కిషోర్ వంటి నటీనటులు ఈ సినిమాకి ప్రధాన బలంగా కనిపిస్తున్నారు. ఈ సినిమా తనకి తప్పకుండా హిట్ ఇస్తుందనే నమ్మకంతో ఆది సాయికుమార్ వున్నాడు.