మహేష్ మూవీ నుంచి దిల్ రాజు తప్పుకున్నాడా.?

Posted: 04/30/2019 10:04 PM IST

మహేశ్ బాబు 25వ సినిమాగా ప్రేక్షకుల ముందుకు రావడానికి 'మహర్షి' సిద్ధమవుతోంది. ఆ తరువాత సినిమాను అనిల్ రావిపూడి దర్శకత్వంలో మహేశ్ బాబు చేయనున్నాడు. ప్రస్తుతం లొకేషన్లు ఎంపిక చేసే పనిలో అనిల్ రావిపూడి వున్నాడు. ఈ సినిమాకి దిల్ రాజు - అనిల్ సుంకర నిర్మాతలుగా వ్యవహరించనున్నట్టు చెప్పారు. అనిల్ సుంకరకి మహేశ్ ఒక సినిమా చేసిపెట్టవలసి వుంది. ఇక అనిల్ రావిపూడితో గల సాన్నిహిత్యం కారణంగా దిల్ రాజు కూడా రంగంలోకి దిగాడు. అలా ఈ ఇద్దరి నిర్మాణంలో ఈ సినిమా సెట్స్ పైకి వెళ్లవలసి వుంది.

కానీ హఠాత్తుగా ఈ ప్రాజెక్టు నుంచి దిల్ రాజు తప్పుకున్నట్టుగా ఫిల్మ్ నగర్లో చెప్పుకుంటున్నారు. అందుకు కారణాలేమిటనేది తెలియాల్సి వుంది. అనిల్ సుంకర ఈ సినిమాకి సోలో నిర్మాతగా వ్యవహరిస్తారన్న టాక్ కూడా వుంది. ఈ విషయంలో ఇప్పటికే మహేష్ బాబుకు భారీ మొత్తం కూడా ఇచ్చేశారని రూమర్లు వినిపిస్తున్నాయి. మహర్షి చిత్రంలో దిల్ రాజు సోలో నిర్మాతగా వుండగా, అశ్వనీ దత్ కు తాను ఎప్పుడో ఇచ్చన మాట మేరకు ఆయనను కలుపుకోవాల్సిందిగా మహేష్ కోరడంతో.. ఆ తరువాత వంశీ వినతి మేరకు పీవీపీలు కలవడంతో ఈ చిత్రానినిక ముగ్గురు నిర్మాతలుగా వ్యవహరిస్తున్నారు. ఇక రాబోయే చిత్రంలోనూ ఇద్దరు నిర్మాతలుగా వ్యవహరించాల్పి రావడంతోనే దిల్ రాజు తప్పుకున్నాడని టాక్ వినబడుతోంది.