సాక్ష్యం అడియో లాంచ్ కు ముఖ్యఅతిథిగా పవన్ కల్యాణ్

Posted: 05/16/2018 07:51 PM IST

బెల్లంకొండ శ్రీనివాస్ హీరోగా శ్రీవాస్ దర్శకత్వంలో 'సాక్ష్యం' సినిమా షూటింగ్ చివరి దశకు చేరుకుంది. దీంతో ఈ చిత్ర నిర్మాణ సంస్థ అడియో రిలీజ్ వేడుకను జరుపుకోవాలని నిర్ణయించింది. అయితే ఈ చిత్ర అడియో వేడుకకు పవర్ స్టార్ పవన్ కల్యాన్ ముఖ్యఅతిధిగా హాజరవుతారని.. వార్తలు చిత్రపురి వీధుల్లో చక్కర్లు కోట్టాయి. అనుకున్నట్లుగానే పవన్ కల్యాన్ ను ఈ చిత్ర అడియో వేడుకకు ప్రత్యేక అతిధిగా అహ్వానించామని చిత్రవర్గాలు అధికారికంగా వెల్లడించాయి.

మాస్ మహారాజ రవితేజ నటించిన నెల టిక్కెట్లు చిత్రం తరువాత బెల్లంకోండ శ్రీనివాస్ హీరోగా తెరకెక్కుతున్న సాక్ష్యం చిత్రానికి పవన్ కల్యాన్ ముఖ్యఅతిధిగా హాజరుకానున్నారు. ఈ చిత్రంలో పూజా హెగ్డే కథానాయికగా నటిస్తోన్న ఈ సినిమాను సాధ్యమైనంత త్వరగా ప్రేక్షకుల ముందుకు తీసుకురావాలనే దిశగా చిత్ర నిర్మాణ వర్గాలు సన్నాహాలు చేస్తున్నారు. దీంతో ఈ నెల 26 వ తేదీన హైదరాబాద్ లో అడియో రిలీజ్ వేడుకను జరపనున్నారు.

సాక్ష్యం అడియో రిలీజ్ వేడుకకి ప్రత్యేక అతిథిగా పవన్ కల్యాణ్ ను ఆహ్వానించారు. ఆయన కూడా తప్పకుండా వస్తానని చెప్పినట్టుగా సమాచారం. భారీ యాక్షన్ ఎంటర్టైనర్ గా రూపొందుతోన్న ఈ సినిమా తనకి భారీ విజయాన్ని అందిస్తుందనే బలమైన నమ్మకంతో బెల్లంకొండ శ్రీనివాస్ ఉన్నట్టుగా సమాచారం.