పద్మావత్ పాడ్ మాన్ కు పోటీ కాదు : అక్షయ్ కుమార్

Posted: 01/08/2018 05:59 PM IST

పేరులో మార్పు, సెన్సార్ ప్యానెల్ చెప్పిన కట్స్ కు అంగీకరించటంతో సీబీఎఫ్ సీ నుంచి క్లియరెన్స్ తో ఎట్ట‌కేల‌కు సంజ‌య్ లీలా భ‌న్సాలీ దర్శకత్వం వహించిన చిత్రం 'ప‌ద్మావ‌త్‌' గా మన ముందుకు రాబోతోంది. యూ బై ఏ సర్టిఫికెట్ తో తమ ఇష్టం ఉన్నప్పుడు విడుదల చేసుకోవచ్చని సెన్సార్ బోర్డు తెలిపింది. దీంతో ఈ నెల చివర్లో చిత్రం విడుదల కాబోతుందంటూ ఓ వార్త బయలుదేరింది.

అయితే జ‌న‌వ‌రి 25న అక్ష‌య్ కుమార్ 'ప్యాడ్ మ్యాన్‌' చిత్రం కూడా విడుద‌లకాబోతోంది. దీంతో ప‌ద్మావ‌త్ సినిమా వ‌ల్ల ప్యాడ్ మ్యాన్ సినిమాకి న‌ష్టం తప్పదనే అంతా చర్చించుకుంటున్నారు. సామాజిక అంశమైన పాడ్ మాన్ కంటే వివాదాలతో కూడిన పద్మావత్ పైనే అందరి దృష్టి ఉంటుందని విశ్లేషకులు భావిస్తున్నారు. ఈ విష‌యంపై మీడియా అక్ష‌య్ కుమార్ ను ఆరా తీయగా ఆయన త‌న అభిప్రాయాన్ని వెల్ల‌డించారు.

ప‌ద్మావ‌త్ విడుద‌ల అవ‌బోతుండ‌టం నాకు ఆనందాన్ని క‌లిగిస్తోంది. ఏ సినిమా ప్ర‌త్యేక‌త దానికి ఉంటుంది. సినీ నిర్మాత‌ల‌కు త‌మ సినిమాను ఎప్పుడు కావాలంటే అప్పుడు విడుద‌ల చేసుకునే హ‌క్కు ఉంటుంది. ఈ రెండు సినిమాల మ‌ధ్య పోటీ వల్ల స‌మ‌స్య ఉంటుందని భావించటం లేదు అని అక్కీ స్ప‌ష్టం చేశారు. ఇదిలా ఉండ‌గా విడుద‌ల తేదీ గురించి 'ప‌ద్మావ‌త్' చిత్ర బృందం ఇంకా అధికారిక ప్ర‌క‌ట‌న రాకపోయినా.. కొన్ని మీడియా ఛానెళ్లు మాత్రం 25నే అంటూ తేదీని ప్రకటించేస్తున్నాయ్.