మహానటిలో శామ్ రోలే హైలెట్?

Posted: 12/11/2017 03:39 PM IST

పది సెకన్లలో వంద ఎక్స్ ప్రెషన్లు చూపించే నటిగా సావిత్రికి గుర్తింపు ఉంది. అలాంటి నటి జీవితచరిత్రను 'మహానటి' పేరిట తెరకెక్కిస్తున్నాడు నాగ్ అశ్విన్. ఇప్పటికే ఈ సినిమా చాలా వరకూ చిత్రీకరణను పూర్తిచేసుకుంది. ఈ మద్యే టైటిల్ లోగో విడుదల చేసి మార్చి 29న రిలీజ్ డేట్ కూడా అనౌన్స్ చేశారు.

ఇక ఈ చిత్రం గురించి ఆసక్తికర విషయాలను చిత్ర నిర్మాత స్వప్న దత్ ఓ జాతీయ మీడియాకు ఇచ్చిన ఇంటర్వ్యూలో పంచుకుంది. ఈ చిత్రం కథ అంతా పూర్తయ్యాక నటీనటుల ఎంపిక ప్రారంభించాం. అయితే ముందుగా సమంతను తీసేసుకున్నాం. తర్వాతే లీడ్ పాత్ర కీర్తి సురేశ్ ఎంపిక జరిగింది. సినిమాకు కీర్తి పాత్రే ఎంతో.. సమంత పాత్ర కూడా అంతే. సినిమా రిలీజ్ అయ్యాక ఆ విషయాన్ని మీరు కూడా ఒప్పుకుంటారు అని స్వప్ప చెబుతోంది. ఆ మధ్య ఆమె జమున పాత్రలో కనిపిస్తుందని చెప్పుకున్నప్పటికీ.. ఇప్పుడు స్వప్న వ్యాఖ్యలతో ఆ ఆసక్తి మరింతగా పెరిగిపోయింది.

సావిత్రి జీవితానికి సంబంధించిన పూర్తి వివరాలను, ఆమె కూతురు విజయ చాముండేశ్వరి దగ్గర నుంచి సేకరించాం. ఎంతో అరుదైన ఫోటోలు, వీడియోలను కూడా ఆమె మాకు అందించారు. ఈ సినిమా కోసం చేసిన గ్రౌండ్ వర్క్ అంతా ఇంతా కాదు అని ఆమె వివరించింది. ఆయా పాత్రల కోసం నటీనటుల ఎంపిక కూడా చాలా జాగ్రత్తగా చేశామని ఆమె వివరించింది. తెలుగుతో పాటు తమిళ .. మళయాళ భాషల్లో ఈ సినిమా విడుదల కాబోతుందని ఆమె తెలిపింది.