నిర్మాత సూసైడ్ పై విశాల్ స్పందన

Posted: 11/22/2017 02:57 PM IST

తమిళ దర్శక, నిర్మాత అశోక్ ఆత్మహత్యపై కోలీవుడ్ లో కలకలం రేగింది. దీనిపై నటుడు, నడిఘర్ సంఘం కార్యదర్శి, నిర్మాతల మండలి అధ్యక్షుడు విశాల్ స్పందించాడు. ఆయనది సూసైడ్ కాదని.. మర్డర్ అని సంచలన వ్యాఖ్యలు చేశాడు.

తమిళ సినీ పరిశ్రమలో పెరిగిపోతున్న ఓ చెడు సంస్కృతికి ఇది ఒక నిదర్శం. ఫైనాన్షియర్ల వేధింపులకు ముగింపు పలకాల్సిన సమయం ఆసన్నమైంది. దీన్ని అశోక్ ది ఆత్మహత్యగా కాకుండా, హత్యగా పరిగణించాలి. ఎక్కువ వడ్డీలకు అప్పులిచ్చి నిర్మాతలను, వారి కుటుంబసభ్యులను హింసిస్తున్న ఫైనాన్షియర్లకు ఇదే నా హెచ్చరిక. ఫైనాన్షియర్ల నుంచి బెదిరింపులు వస్తే వెంటనే సంఘం దృష్టికి తీసుకురండి.అప్పుల బాధను తట్టుకోలేక చేసుకునే ఆత్మహత్యల్లో ఇదే చివరిది కావాలని కోరుకుంటున్నా అని ఓ లేఖను విడుదల చేశాడు.

అమాయకుల మరణాలకు కారణమవుతున్న వారిపై కఠిన చర్యలు తీసుకోవాలంటూ ఈ సందర్భంగా విశాల్ పోలీసులను డిమాండ్ చేశాడు. నిర్మాతల సంక్షేమం కోసం ప్రతి ఒక్కరు కలసికట్టుగా పని చేయాలని కోరాడు. కాగా, ఆర్థిక పరమైన తానే వేధింపులు ఎదుర్కుంటున్నానంటూ అశోక్ నిన్న ఓ లేఖ రాసి, సోషల్ మీడియాలో పోస్ట్ చనిపోయిన విషయం తెలిసిందే. దర్శకుడు కమ్ నటుడు శశికుమార్(శంభో శివ శంభో ఫేమ్) అశోక్ దగ్గరి బంధువు కాగా, లేఖలో తనని క్షమించాలంటూ శశి పేరు ప్రస్తావనకు తేవటం గమనార్హం.