గేమ్ ఆఫ్ అయోధ్య రిలీజ్ డేట్ వచ్చింది

Posted: 11/09/2017 12:45 PM IST

బాలీవుడ్ లో మరో వివాదాస్పద చిత్రం రాబోతుంది. ‘గేమ్ ఆఫ్ అయోధ్య’ పేరిట బాబ్రీ మసీదు విధ్వంసం.. ఓ ప్రేమ కథ నేపథ్యంలో ఈ చిత్రం తెరకెక్కింది. ఫిల్మ్ సర్టిఫికేషన్ అప్పిలేట్ ట్రైబ్యునల్ జోక్యంతో సినిమా విడుదలకు మార్గం సుగమమైంది.

ఎవరికీ తెలియని, బయటకు రాని పలు విషయాలను ఈ సినిమా ద్వారా వెలుగులోకి తీసుకొస్తున్నట్టు దర్శకుడు సునీల్ సింగ్ తెలిపారు. ఈ సినిమాకు సర్టిఫికెట్ ఇచ్చేందుకు తొలుత సెన్సార్ బోర్డు నిరాకరించింది. దేవాలయం-మసీదు వివాదం నేపథ్యంలో ఈ సినిమా తెరకెక్కడం, బాబ్రీ వివాదం ఇంకా కొనసాగుతుండడంతో సర్టిఫికెట్ ఇచ్చేందుకు సీబీఎఫ్‌సీ నిరాకరించింది. మత విద్వేషాలను ఈ సినిమా రెచ్చగొట్టే అవకాశం ఉందని ఆందోళన వ్యక్తం చేస్తూ సర్టిఫికెట్ ఇచ్చేందుకు నో చెప్పింది.

అయితే ఈ సినిమాను పూర్తి వినోదాత్మకంగా తెరకెక్కించామని, 1992లో ఆ దురదృష్టకరమైన రోజు అక్కడి వారి జీవితాలను ఎలా మార్చివేసిందో చెప్పే ప్రయత్నం చేశామని చెబుతూ సింగ్ ఫిల్మ్ ట్రైబ్యునల్‌ను ఆశ్రయించారు. అది ఓకే చెప్పడంతో సినిమా రిలీజ్ డేట్‌ను ప్రకటించారు. ‘గేమ్ ఆఫ్ అయోధ్య’లో సునీల్ సింగ్ కూడా ఓ ముఖ్యపాత్రలో నటించారు. ఈ నెల 24న సినిమా విడుదల కాబోతుంది.