పవన్ చిత్రం ఉంటుందా? ఉండదా?

Posted: 10/18/2017 10:24 AM IST

ప్రస్తుతం త్రివిక్రమ్ శ్రీనివాస్ చిత్రం (అజ్నాతవాసి)తర్వాత పవన్ కళ్యాణ్ చేయబోయే సినిమాల విషయంలో ఓ క్లారిటీ లేకుండా పోయింది. మైత్రి మూవీ మేకర్స్ బ్యానర్ లో ఓ హై బడ్జెట్ చిత్రాన్ని అది కూడా కందరీగ ఫేమ్ శ్రీవాస్ డైరెక్షన్ లో చేయబోతున్నాడంటూ కొన్నాళ్లుగా చెప్పుకుంటున్నాం. అయితే అది అధికారిక ప్రకటనే అయినా ఇంత వరకు ఆ సినిమా గురించి ఏ వివరాలు బయటకి చెప్పటం లేదు.

ఇదిలా ఉంటే ఈ సినిమా తెరకెక్కటం అనుమానమే అంటూ ఫిల్మ్ నగర్ లో టాక్ మొదలైంది. ప్రస్తుతం ఏపీలో నెలకొన్న పరిణామాల నేపథ్యం దానికి తోడు ప్రత్యర్థి పార్టీలు బలంగా తయారవుతుండటం మూలంగా పవన్ త్వరపడాలనే నిర్ణయానికి వచ్చాడని చెప్పుకుంటున్నారు. ఈ క్రమంలో త్వరలోనే రాష్ట్ర వ్యాప్తంగా పవన్ కూడా పర్యటించబోతున్నాడంటూ ఓ అనధికార సమాచారం అందుతోంది.

ఆ లెక్కన్న పవన్-శ్రీవాస్ చిత్రం పట్టాలెక్కటం కొంచెం కష్టమేనన్నది ఆ కథనాలు సారాంశం. దీనికి తోడు గతంలో పవన్ ఏఎం రత్నం, నీసన్ చిత్రాలను రద్దు చేసుకున్న చరిత్ర కూడా ఉంది. మరి పవన్ అడ్వాన్స్ ను వెనక్కి ఇచ్చేయబోతున్నాడన్న వార్తలో నిజమెంతో తెలియాలంటే కొంత కాలం ఆగాల్సిందే.