చెర్రీతో మూవీ.. ఎన్టీఆర్ సంగతేంటి?

Posted: 07/11/2017 12:50 PM IST

మెగా పవర్ స్టార్ రాంచరణ్ సినిమాల ఎంపికలో చాలా జాగ్రత్తగా వ్యవహరిస్తున్నాడు. ధృవ తర్వాత సుక్కూతో రంగస్థలం అనే ఓ పిరియాడికల్ డ్రామాలో నటిస్తున్న చెర్రీ తన తర్వాతి ప్రాజెక్టు విషయంలో కూడా క్లారిటీ ఇచ్చేశాడు. వరుస హిట్ లతో జోరు మీదున్న డైరక్టర్ కొరటాల శివతో ఓ మూవీ చేయనున్నట్లు అనౌన్స్ చేసేశాడు.

నిజానికి మిర్చి సమయంలోనే వీరిద్దరి కాంబోలో ఓ సినిమా రావాల్సి ఉంది. సమంత హీరోయిన్ గా ఎంపిక చేసిన ఈ సినిమా ముహుర్తం షాట్ కూడా జరుపుకుని తర్వాత కాన్సిల్ అయ్యింది. ఆ తర్వాత కొరటాల వరుసగా శ్రీమంతుడు, జనతా గ్యారేజ్ లతో బ్లాక్ బస్టర్ హిట్లు అందించాడు. దీంతో చెర్రీ ఈసారి స్వయంగా తానే కొరటాలను సంప్రదించి ఓ మంచి కథను సిద్ధం చేయించుకున్నట్లు తెలుస్తోంది. ఇక కొరటాలతో సినిమా చేయబోతున్నట్టు చెర్రీ, కొరటాల, నిర్మాత నిరంజన్ రెడ్డితో ఉన్న ఓ ఫోటోను చెర్రీ సోషల్ మీడియాలో అప్ లోడ్ చేశాడు. 

 

Here you go guys! Bankrolling #RCKoratalaFilm along with Matinee entertainments. Begins Summer 2018. pic.twitter.com/jOwSbzzu3S

— Konidela Pro Company (@KonidelaPro) July 11, 2017

చరణ్ సొంత బ్యానర్ కొణిదెల ప్రోడక్షన్, క్షణం ఘాజీ లాంటి మూవీలు తీసిన మ్యాటినీ ఎంటర్టైన్మెంట్స్ బ్యానర్ వారితో కలిసి ఈ సినిమాను నిర్మించనున్నారు. 2018 లో ఈ సినిమాను సెట్స్ పైకి తీసుకెళ్లనున్నారట. ప్రస్తుతం చరణ్ .. సుకుమార్ సినిమా 'రంగస్థలం 1985' షూటింగుతో బిజీగా వున్నాడు. ఇక కొరటాల వచ్చేసి .. మహేశ్ బాబుతో 'భరత్ అను నేను' సినిమా చేస్తున్నాడు. ఈ రెండు సినిమాలు పూర్తయ్యాక, ఈ కాంబినేషన్లోని మూవీ పట్టాలెక్కుతుందన్న మాట. అయితే ఎన్టీఆర్ తో ఓ మూవీ ఉంటుందని ఆ మధ్య కొరటాల అఫీషియల్ గా ప్రకటించాడు. అయితే త్రివిక్రమ్ తో ఎన్టీఆర్ కమిట్ అవుతుండటంతో ఈ గ్యాప్ లో చెర్రీతో ప్రోసీడ్ కాబోతున్నాడని స్ఫష్టం అవుతోంది.