కరీనాకు కొడుకు పుట్టాడు

Posted: 12/20/2016 12:22 PM IST

బాలీవుడ్ లో మరో జంట పేరెంట్స్ గా ప్రమోట్ అయ్యారు . కరీనా కపూర్, సైఫ్ ఆలీఖాన్ దంపతులకు మగ బిడ్డ పుట్టింది. మంగళవారం ఉదయం బ్రీచ్ కాండీ ఆస్పత్రిలో కరీనా ప్రసవించినట్లు, తల్లి బిడ్డ ఇద్దరూ క్షేమంగానే ఉన్నారని ఆస్పత్రి వర్గాలు వెల్లడించాయి.

సీనియర్ నటుడు, కరీనా తండ్రి రణ్ ధీర్ కపూర్ కూడా ఈ విషయాన్ని మీడియాకు చేరవేశారు. అయితే పుట్టబోయే తమ బిడ్డకు సైఫీనా అని పేరు పెడతామని అప్పట్లో స్వయంగా కరీనానే ఓ టీవీషోలో చెప్పింది. దీనిపై తర్వాత సైఫ్ కాదని తేల్చేశాడు. తాజా సమాచారం ప్రకారం తమ కుమారుడికి తైమూర్ అలీఖాన్ పటౌడీ అని పేరు పెట్టారు సైఫ్ జంట.

2012లో సైఫ్, కరీనాలు పెళ్లి చేసుకున్నారు. సైఫ్ కి ఇది రెండో పెళ్లికాగా, కరీనాకు మొదటి మ్యారేజ్. సైఫ్ తొలి పెళ్లి నటి అమృతా సింగ్ తో జరిగింది. వీరికి కుమార్తె సారా, కుమారుడు ఇబ్రహీంలు వున్నారు. ప్రస్తుతం తమ ఇంట్లో చిన్నారి ప్రవేశించటంతో కపూర్ అండ్ పటౌడీ కుటుంబాలు సంతోషంలో మునిగి తేలుతున్నాయి.