పూరీ కొత్త సినిమా విచిత్రమైన టైటిల్

Posted: 12/07/2016 01:26 PM IST

ఏ కాంబినేషన్ లో అయినా సరే ఓ సినిమా గురించి మాట్లాడుకోవాలంటే మాత్రం ముందు టైటిల్ విషయంలోనే ఏదో ఒక స్పెషాలిటీ ఉండి తీరాల్సిందే. క్రేజీ డైరక్టర్ పూరీ విషయంలో అయితే అది మరీను. తిట్ల దగ్గరి నుంచి క్యాచీగా ఉండేలా పేర్లను తన సినిమాలకు పెట్టేస్తుంటాడు. ఆ రకంగా సినిమాలో కంటెంట్ ఉన్నా లేకపోయినా జనాల అటెన్షన్ ను కొట్టేస్తుంటాడు. చివరి సినిమా ఇజం, అంతకు ముందు వచ్చిన లోఫర్ కూడా ఈ కోవలోనివే...

ఇక ఇప్పుడు మరో టైటిల్ ను రిజిస్టర్ చేయించినట్లు తెలిసింది. మూడు కోతులు.. ఒక మేక అంటూ ఓ చిత్రాన్ని తీసేందుకు పూరీ ఫ్లాన్ వేసుకుంటున్నాడు. ముగ్గురు యంగ్ హీరోలతో తీయబోతున్న ఈ మల్టీస్టారర్ మూవీ ఓ ప్రేమకథగానే కాకుండా, పొలిటికల్ సెటైర్ గా తెరకెక్కబోతుందని తెలుస్తోంది. ఒకే అమ్మాయితో ముగ్గురు ప్రేమలో పడటం, అదే సమయంలో ఆ యువకులు చేసే రాజకీయాలతో సినిమాను రూపొందించబోతున్నాడంట పూరీ.

సాధారణంగా ఇలాంటి విషయాల్లో పూర్తీ స్వేచ్ఛ తీసుకునే పూరీ సమకాలీన రాజకీయాలను ఎలా చూపించబోతున్నాడో అన్న చర్చ అప్పుడే మొదలైంది. ఇక అఫీషియల్ గా త్వరలో అనౌన్స్ కాబోయే ఈ ప్రాజెక్ట్ కోసం సందీప్ కిషన్, నాగ శౌర్యలను ఇప్పటికే ఇద్దరు హీరోలుగా ఎంపిక చేసినట్లు చెప్పుకున్నాం. హీరోయిన్ గా కొత్త అమ్మాయి వేటలో ఉన్నాడంట పూరీ. ఇంకోవైపు ఈ సినిమా ఓ ఫ్యామిలీని టార్గెట్ చేసి సిద్ధం చేసిన కథ అని, వారిపై సెటైరిక్ గా తీయబోయే సినిమా అయి ఉండొచ్చన్న గాలి వార్తలను కొందరు లేపుతున్నారు.