సుల్తాన్ సుందరి ఖేల్ ఖతమ్

Posted: 06/07/2016 06:16 PM IST

బాలీవుడ్ కండలవీరుడు సల్మాన్ ఖాన్ నటిస్తున్న తాజా చిత్రం సుల్తాన్. అలీ అబ్బార్ జబ్బా దర్శకత్వంలో తెరకెక్కుతున్న ఈ చిత్రాన్ని ఆదిత్య చోప్రా ప్రతిష్టాత్మకంగా నిర్మిస్తున్నారు. సల్మాన్ కు జోడిగా అనుష్క శర్మ నటిస్తుంది. ఇందులో వీరిద్దరూ రెజర్లుగా నటిస్తున్నారు. ఇప్పటికే విడుదలైన ట్రైలర్, పాటలకు మంచి రెస్పాన్స్ వచ్చింది.

తాజాగా ఈ సినిమా షూటింగ్ మొత్తం పూర్తయ్యింది. ఈ విషయాన్ని అనుష్కశర్మ తన ఇంస్టాగ్రామ్ ద్వారా తెలియజేసింది. ‘బేబీ కో బాస్ పసంద్..’ అనే పాట దుమ్మురేపుతోంది. ఇప్పటికే ఈ సినిమా భారీ అంచనాలు నెలకొన్నాయి. తన ప్రేమకోసం ఓ రెజ్లర్ చేసే పోరాటమే కథాంశంగా సుల్తాన్ సినిమా రూపొందుతోంది.

నిజ జీవిత కథ ఆధారంగా తెరకెక్కుతున్న ఈ సినిమాలో సల్మాన్ తన యాక్టింగ్ తోనే కాకుండా యాక్షన్ సీన్లతో కూడా అదరగొట్టనున్నాడు. భారీ అంచనాలతో రూపొందుతున్న ఈ సినిమాను అతి త్వరలోనే ప్రేక్షకుల ముందుకు తీసుకురానున్నారు.