ముమైత్ ఖాన్ స్థానంలో శ్రద్ధా.. డిక్టేటర్ తో టింగో టింగో!

Posted: 12/24/2015 03:40 PM IST

నందమూరి బాలకృష్ణ హీరోగా నటిస్తున్న ‘డిక్టేటర్’ చిత్రంలో హాట్ బ్యూటీ ముమైత్ ఖాన్ ఓ ఐటెం సాంగ్ లో నటించనుందని గతకొద్ది రోజులుగా వార్తలొస్తున్న విషయం తెలిసిందే. అయితే ఈ ఐటెం సాంగ్ లో ముమైత్ ఖాన్ నటించడం లేదని తేలిపోయింది. శ్రీవాస్ దర్శకత్వంలో బాలకృష్ణ హీరోగా నటిస్తున్న ఈ చిత్రానికి థమన్ సంగీతం అందిస్తున్నాడు.

ఇందులోని ‘టింగో టింగో...’ అనే పాటలో బాలయ్యతో ముమైత్ ఖాన్ చిందులేయనుందని వార్తలొచ్చాయి. కానీ ఈ పాటలో ముమైత్ ఖాన్ నటించడం లేదు. ఈ ‘టింగో టింగో...’ పాటలో బాలయ్యతో లవ్లీ బ్యూటీ శ్రద్ధాదాస్ చిందులేస్తుంది. ఈ విషయాన్ని స్వయంగా శ్రద్ధాదాస్ తన సోషల్ మీడియా ట్విట్టర్ ద్వారా ప్రకటించింది.

‘డిక్టేటర్’ సినిమాలో బాలకృష్ణతో కలిసి ‘టింగో టింగో..’ పాటలో చిందులేయబోతున్నానని శ్రద్ధాదాస్ పోస్ట్ చేసింది. అంతేకాకుండా తనకు సంబంధించిన ఓ ఫోటోను కూడా పోస్ట్ చేసింది. మరి ఈ అమ్మడు ఈ పాటలో శ్రద్ధాదాస్ గెటప్ ఇలాగే వుంటుందో ఏమో త్వరలోనే తెలియనుంది. మొత్తానికి బాలయ్య పక్కన చిందులేసే అవకాశం శ్రద్ధాదాస్ కొట్టేసింది.

ప్రస్తుతం ఈ సాంగ్ షూటింగ్ జరుగుతోంది. ఇందులో బాలయ్య సరసన అంజలి, సొనాల్ చౌహాన్, అక్షలు హీరోయిన్లుగా నటిస్తున్నారు. కోన వెంకట్ – గోపి మోహన్ కలిసి కథ-స్క్రీన్ ప్లేని అందించారు. ఈరోస్‌ ఇంటర్నేషనల్‌, వేదాశ్వ క్రియేషన్స్‌ సంయుక్తంగా నిర్మిస్తున్నారు. ఈ చిత్రాన్ని వచ్చే ఏడాది సంక్రాంతి కానుకగా విడుదల చేయడానికి సన్నాహాలు చేస్తున్నారు.