విడుదలకు సిద్ధమవుతున్న అనుష్క రుద్రమదేవి

Posted: 08/08/2015 04:23 PM IST

ప్రముఖ దర్శకుడు గుణశేఖర్ దర్శకత్వంలో అనుష్క, అల్లు అర్జున్ ప్రధాన పాత్రలో నటించిన తాజా చిత్రం ‘రుద్రమదేవి’. అనుష్క రుద్రమదేవిగా నటించిన ఈ చిత్రంలో స్టైలిష్ స్టార్ అల్లు అర్జున్ ‘గోన గన్నారెడ్డి’ పాత్రలో నటించాడు. రానా ఓ కీలక పాత్రలో నటించాడు. నిత్యామీనన్, ప్రకాష్ రాజ్, కృష్ణంరాజు తదితరులు ముఖ్య పాత్రలలో నటించారు.

ఇప్పటికే విడుదలైన పాటలు, ట్రైలర్లకు మంచి స్పందన వచ్చింది. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. ఇటీవలే ఈ చిత్రానికి మెగాస్టార్ చిరంజీవి వాయిస్ ఓవర్ ను అందించారు. గతకొద్ది రోజులుగా ఈ చిత్రానికి సంబంధించిన పోస్టర్లను విడుదల చేస్తున్న విషయం తెలిసిందే.

అయితే తాజాగా ఈ చిత్రానికి సంబంధించిన మరో పోస్టర్ ను విడుదల చేసారు. భారీ బడ్జెట్ తో ప్రతిష్టాత్మకంగా రూపొందుతున్న ఈ చిత్రాన్ని సెప్టెంబర్ 4వ తేదిన ప్రపంచ వ్యాప్తంగా విడుదల చేయబోతున్నట్లుగా చిత్ర యూనిట్ ఇటీవలే అధికారికంగా ప్రకటించారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.