విడుదలకు సిద్ధమవుతున్న సూర్య హైకూ

Posted: 07/03/2015 12:59 PM IST

తమిళంలో సూర్య, అమలాపాల్ కీలక పాత్రలలో పిల్లల చిత్రంగా రూపొందుతున్న తాజా చిత్రం ‘హైకూ’. సూర్య సమర్పణలో 2D ఎంటర్ టైన్మెంట్స్ బ్యానర్ పై రూపొందుతున్న ఈ చిత్రానికి పాండిరాజ్ దర్శకత్వం వహిస్తున్నాడు. ఈ చిత్ర ఫస్ట్ లుక్ టీజర్ ఇటీవలే విడుదలయ్యింది.

ఈ టీజర్ కు మంచి రెస్పాన్స్ వచ్చింది. ఈ టీజర్ లో పిల్లలతో కలిసి సూర్య అదరగొట్టేసాడు. పాండిరాజ్ ఇప్పటికే ‘పసంగ’, ‘మెరీనా’ వంటి విభిన్న చిత్రాలను రూపొందించాడు. పిల్లల మనస్తత్వాలను ఆధారంగా చేసుకొని రూపొందించనున్న ఈ సినిమా ప్రతిఒక్కరికి నచ్చుతుందని చిత్ర యూనిట్ భావిస్తున్నారు.

ఈ సినిమాలో బింధుమాధవి ఓ ముఖ్య పాత్రలో నటిస్తుంది. ప్రస్తుతం ఈ చిత్ర పోస్ట్ ప్రొడక్షన్ పనులు శరవేగంగా జరుగుతున్నాయి. త్వరలోనే ఈ చిత్రం ప్రేక్షకుల ముందుకు రానుంది. ఈ చిత్ర వివరాలను త్వరలోనే సూర్య అధికారికంగా ప్రకటించనున్నాడు.