కేరింతపై కోడిగుడ్లతో దాడిచేసిన శ్రీకాకుళం విధ్యార్థులు

Posted: 06/25/2015 10:12 AM IST

Abvp students attack on kerintha team with eggs in srikakulam

కేరింత చిత్ర యూనిట్ కు శ్రీకాకుళంలో చేదు అనుభవం ఎదురయ్యింది. శ్రీవెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు నిర్మించిన తాజా చిత్రం ‘కేరింత’. సుమంత్ అశ్విన్, శ్రీదివ్య, తేజస్వీ, పార్వతీశం తదితరులు ప్రధాన పాత్రలలో నటించిన ఈ చిత్రానికి సాయికిరణ్ అడవి దర్శకత్వం వహించారు. మిక్కీ జె మేయర్ సంగీతం అందించారు.

ఈ చిత్రం ఇటీవలై విడుదలై మంచి టాక్ తో నడుస్తోంది. దీంతో చిత్ర యూనిట్ సినిమాను మరింత ప్రమోషన్ చేయడానికి ఇటీవలే టూర్ మొదలుపెట్టింది. ఇప్పటికే చాలా జిల్లాల్లో పర్యాటించిన ఈ చిత్ర యూనిట్ బుధవారం నాడు శ్రీకాకుళం చేరుకుంది. కానీ అక్కడ ‘కేరింత’ యూనిట్ చేదు అనుభవం ఎదురయ్యింది.

‘కేరింత’ చిత్ర యూనిట్ పై శ్రీకాకుళంలోని కొంతమంది ఏబివీపి విధ్యార్థులు దాడికి దిగారు. చిత్ర యూనిట్ పై కోడి గుడ్లతో దాడి చేసారు. ఈ సినిమాలో తమ శ్రీకాకుళం యాసను కించపరచారని వారు ఆరోపించారు. అయితే చివరకు దిల్ రాజు క్షమాపణలు చెప్పడంతో ఆ విధ్యార్థులు అక్కడినుంచి వెనుదిరిగారు.