బాహుబలి సెన్సార్ పూర్తి... సినీ అభిమానుల్లో కౌంట్ డౌన్ స్టార్ట్

Posted: 06/23/2015 10:00 AM IST

ప్రముఖ దర్శకుడు ఎస్.ఎస్.రాజమౌళి దర్శకత్వంలో తెరకెక్కిన భారీ బడ్జెట్ చిత్రం ‘బాహుబలి - ది బిగెనింగ్’. ప్రభాస్, రానా, అనుష్క, తమన్నా ప్రధాన పాత్రలలో నటించిన ఈ చిత్రానికి కీరవాణి సంగీతం అందించాడు. ఇప్పటికే విడుదలైన పాటలు, ట్రైలర్లు సంచలనం సృష్టిస్తున్నాయి. భారీ బడ్జెట్ తో ప్రతిష్టాత్మకంగా రూపొందిన ఈ చిత్రాన్ని ఆర్కా మీడియా సంస్థ నిర్మించింది.

ఇటీవలే ఈ చిత్రం సెన్సార్ కార్యక్రమాలను పూర్తి చేసుకుంది. ఈ చిత్రానికి సెన్సార్ వారు U/A సర్టిఫికెట్ ను సొంతం చేసుకుంది. భారీ అంచనాలతో రూపొందిన ఈ చిత్రం ప్రపంచ వ్యాప్తంగా తెలుగు, తమిళ, హిందీ, మలయాళ భాషలలో జులై 10న భారీ ఎత్తున విడుదల కానుంది. ఇప్పటికే ఈ చిత్ర ప్రమోషన్ కార్యక్రమాలు భారీగా జరుగుతున్నాయి.

ఇందులో రమ్యకృష్ణ, నాజర్, సత్యరాజ్, ప్రభాకర్ తదితరులు కీలక పాత్రలలో నటించారు. ప్రస్తుతం ఈ చిత్ర యూనిట్ చెన్నైలో ప్రమోషన్ కార్యక్రమాల్లో బిజీగా వున్నారు. మరి ఈ సినిమా ఎలాంటి విజయం సాధించి, ఎలాంటి కొత్త రికార్డులు క్రియేట్ చేయనుందో త్వరలోనే తెలియనుంది.