అల్లరి నరేష్ జేమ్స్ బాండ్ పాటలు విడుదల

Posted: 05/15/2015 09:40 AM IST

అల్లరి నరేష్, సాక్షిచౌదరి హీరోహీరోయిన్లుగా రూపొందుతున్న చిత్రం ‘జేమ్స్ బాండ్’. AK ఎంటర్ టైన్మెంట్స్ ఇండియా ప్రై.లి. బ్యానర్ పై రామబ్రహ్మం సుంకర నిర్మిస్తున్న ఈ చిత్రానికి సాయికిషోర్ మచ్చ దర్శకత్వం వహిస్తున్నారు. సాయికార్తీక్ సంగీతం అందించిన ఈ చిత్ర ఆడియో విడుదల కార్యక్రమం నిన్న హైదరాబాద్ లో ఘనంగా జరిగింది. ఈ కార్యక్రమానికి విచ్చేసిన శ్రీనువైట్ల ఆడియో సిడీలను విడుదల చేసి హీరో శ్రీకాంత్ కు అందించారు.

ఈ సంధర్భంగా హీరో అల్లరి నరేష్ మాట్లాడుతూ... అనిల్ సుంకరతో చేస్తున్న మూడవ సినిమా ఇది. పక్కా ప్లాన్ తో చేసిన సినిమా. ఖచ్చితంగా హిట్టవుతుంది. ఇందులో సాక్షి చౌదరి నాకంటే ఎక్కువగా కష్టపడింది. చాలా కష్టపడేతత్వం వున్న అమ్మాయి. సాయికార్తీక్ సూపర్బ్ మ్యూజిక్ ఇచ్చారు. ఈ సినిమా అందరికి నచ్చుతుంది అని అన్నారు. హీరో శ్రీకాంత్ మాట్లాడుతూ... పాటలు, ట్రైలర్ బాగున్నాయి. ఈ సినిమా నరేష్ కు ఒక పెళ్లి గిఫ్ట్ కావాలి. సాయి కార్తీక్ మంచి మ్యూజిక్ ఇచ్చాడు. చిత్ర యూనిట్ కు ఆల్ ది బెస్ట్ అని అన్నారు.

Video source: idlebrainlive