దయాగాడి దండయాత్రకు బుల్లితెర బద్దలైంది!

Posted: 02/16/2015 08:26 PM IST

Temper junior ntr movie tv satelite rights gemini television

చాలాకాలం నుంచి ఒక్క హిట్ దక్కగా తీవ్ర ఆవేదనలో కూరుకుపోయిన జూనియర్ ఎన్టీఆర్ కు ‘టెంపర్’ చిత్రం ఊరటనిచ్చింది. ఈ చిత్రం మంచి విజయం సాధించడంతోపాటు ఎన్టీఆర్ కు మంచి తెచ్చిపెట్టింది. గత సినిమాలతో పోల్చుకుంటే ఈ మూవీలో ఎన్టీఆర్ నటన ‘సూపర్బ్’ అంటూ ఎందరో ప్రముఖులు కితాబిచ్చారు. మొదటి షో నుంచి పాజిటివ్ టాక్ తో దూసుకెళ్తున్న ఈ మూవీ.. బాక్సాఫీస్ దగ్గర అద్భుతంగా వసూళ్లను రాబడుతోంది. మొదటిరోజు 9 కోట్లకుపైగా వసూళ్లు రాబట్టిన ఈ చిత్రం.. మొత్తం మూడురోజులకుగాను 18 కోట్లమేర కలెక్ట్ చేసినట్లు ట్రేడ్ వర్గాలు చెబుతున్నాయి.

ఇంతటి భారీ విజయాన్ని అందుకున్న ఈ చిత్రం రైట్స్ దక్కించుకోవడం కోసం టీవీ చానెళ్లు బాగానే పోటీపడ్డాయి. ఈ క్రమంలో జెమిటీ టీవీ 7.5 కోట్ల రూపాయలు మొత్తం వెచ్చించి ఈ మూవీ శాటిలైట్ రైట్స్ ని చేజిక్కించుకుంది. ఇదివరకు ఎన్టీఆర్ నటించిన ఏ చిత్రం ఇంత భారీ రేటుకు అమ్ముడుపోలేదు. శాటిలైట్ రైట్స్ కోసం ఇంత క్రేజ్ ఎప్పుడూ రాలేదు. అంటే.. మొదటిసారి ఎన్టీఆర్ బుల్లితెరపై తన దండయాత్రను ప్రదర్శించాడన్నమాట! ఈ దెబ్బతో ఇటు ఎన్టీఆర్ కు మంచి పేరు రావడంతోపాటు అటు నిర్మాతకు కాసుల వర్షం బాగానే కురుస్తోంది. ఈ సినిమాతో నిర్మాత బాగానే రాబట్టుకున్నాడు.