నాగ్ చెయ్యి పట్టుకుంటే.. షారుఖ్ పిలిచాడు!

Posted: 02/05/2015 12:50 PM IST

Kriti sanon shahrukh khan naga chaitanya movie offers

మహేష్ సరసన ‘నేనొక్కడినే’ లాంటి భారీ చిత్రం ద్వారా ఇండస్ట్రీకి పరిచయమైన ఢిల్లీ బ్యూటీ కృతిసనన్.. ఆ మూవీతో ఆమె కెరీర్ ఓ రేంజికి వెళ్లిపోతుందని అనుకున్నారు. కానీ.. ఆ మూవీ బాక్సాఫీస్ దగ్గర బోల్తాపడ్డంతో ఆ అంచనాలకు బ్రేక్ పడ్డాయి. అయితే.. గతంలో యాడ్’ల ద్వారా కొంచెం క్రేజ్ సాధించిన నేపథ్యంలో ఈమెకు బాలీవుడ్’లో ఓ ఆఫర్ వచ్చింది. ఆ చిత్రం మంచి విజయం సాధించింది కానీ.. అది ఆమెకు అంతగా అవకాశాలు తెచ్చిపెట్టివ్వలేదు. ఈ సమయంలో నాగ్ ఈమె చేతపట్టుకుని టాలీవుడ్’కి తీసుకొస్తే.. అటునుంచి షారుఖ్ ఖాన్ పలిచిచాడని సమాచారం!

ప్రస్తుతం ఈ పొడుగుకాళ్ల సుందరి నాగచైతన్య సరసన ఓ సస్సెన్స్ థ్రిల్లర్ మూవీలో నటిస్తున్న విషయం తెలిసిందే! ఈ మూవీ తర్వాత మరే ఆఫర్లు లేని ఈ అమ్మడికి ఇప్పుడు బాలీవుడ్’లో ఓ బంపరాఫర్ దక్కింది. బాలీవుడ్ బాద్షా షారుఖ్ ఖాన్ సినిమాలో నటించే సువర్ణవకాశాన్ని ఈ అమ్మడు దక్కించుకుంది. షారుఖ్’తో కలిసి ‘చెన్నయ్ ఎక్స్ ప్రెస్’ మూవీని రూపొందించి, భారీ విజయాన్ని అందుకున్న దర్శకుడు రోహిత్ శెట్టి.. మరోసారి అతనితో జతకడుతున్న విషయం విదితమే! వచ్చే మార్చి నుంచి వీరిద్దరి తాజా మూవీ షూటింగ్ ప్రారంభం కానుంది. ఈ మూవీలో యువనటుడు వరుణ్ ధావన్ కూడా నటిస్తున్నాడు. అతని సరసనే కథానాయికగా కృతిని ఎంచుకున్నట్లు బాలీవుడ్ సమాచారం!

నిన్నటివరకు ఈమె కెరీర్ గాడిలో పడిపోయిందని భావించిన కృతిసనన్’కు ఇప్పుడు ఏకంగా షారుఖ్ మూవీలో ఆఫర్ రావడంతో ఉబ్బితబ్బిబ్బవుతోంది. ఈ సినిమా తన కెరీర్’కి పెద్ద మలుపు అవుతుందని సంతోషంగా వ్యక్తం చేస్తోంది. మరోవైపు ఈ అమ్మడు అక్షయ్ కుమార్ చిత్రంలోనూ నటిస్తోంది. ఈ రెండు సినిమాలు హిట్టయితే.. ఇక ఈమె కూడా స్టార్ హీరోయిన్’గా ఎదిగిపోతుందని సినీ విశ్లేషకులు అభిప్రాయపడుతున్నారు.