అదరగోట్టిన గొన గన్నారెడ్డి న్యూ లుక్

Posted: 01/14/2015 02:27 PM IST

అల్లు అర్జున్ అభిమానులకు దర్శకుడు గుణశేఖర్ సంక్రాంతి కానుక ఇస్తున్నారన్న వార్తతో ఆయన అభిమాన లోకం ఎంతో ఆసక్తిగా ఎదురుచూస్తున్న తరుణంలో.. సాంపుల్ గా న్యూలుక్ ను రిలీజ్ చేసింది చిత్ర యూనిట్. ప్రముఖ హీరోయిన్ అనుష్క ప్రధాన పాత్రలో తెరకెక్కుతున్న రుద్రమ దేవీ చిత్రంలో అల్లు అర్జున్ అత్యంత ప్రముఖ్యత వున్న గోన గన్నారెడ్డి పాత్రను పోషించారు. ఈ పాత్రకు సంబంధించి తొలి లుక్ ను విడుదల చేసిన చిత్ర దర్శక నిర్మాత.. ఇవాళ మరో న్యూ లుక్ ను విడుదల చేశారు. దీంతో గుణశేఖర్ రుద్రమ దేవిపై సినిమాపై అల్లు అర్జున్ ఫ్యాన్స్‌లో భారీగా అంచనాలు పెరిగిపోయాయి.

నలువు వర్ణం దుస్తులతో బంధిపోటు క్యారెక్టర్ కు తగ్గట్టుగా వుంది బన్నీ న్యూ లుక్. నలువు వర్ణం అశ్వం. అదే వర్ణంలో సైన్యంతో యుద్దభూమిలో పోరాటం చేస్తూ శత్రసేనల దుర్భ్యేధాన్ని చీల్చుకుంటూ గోన గన్నారెడ్డి ముందుకు కదులుతన్నట్లు వుంది న్యూ లుక్. స్టైలిష్ స్టార్ గా తనకున్న క్రేజ్ కు ఏ మాత్రం తగ్గకుండా పాత్రకు తగ్గట్టుగా వుంది బన్నీ న్యూలుక్.

గోన గన్నారెడ్డి పాత్రకు సంబంధించిన విశేషాలపై ఫ్యాన్స్ ఆత్రుతతో ఎదురుచూస్తున్నారు. అందుచేత అల్లు అర్జున్ అభిమానులకు 'రుద్రమదేవి' యూనిట్ సంక్రాంతి కానుకను అందివ్వడానికి సన్నాహాలు చేస్తోంది. ఈ నేపథ్యంలో గోనగన్నారెడ్డి మేకింగ్ వీడియోను సంక్రాంతి రోజున రిలీజ్ చేయడానికి దర్శక నిర్మాతలు నిర్ణయించారు.  జనవరి 15న ఉదయం 9గంటలకు సంక్రాంతి కానుకగా ఈ వీడియోను రిలీజ్ చేస్తున్నారని ఫిలింనగర్ లో గుసగుసలు వినిపిస్తున్నాయి. కాగా, ఈ చిత్రం పోస్ట్ ప్రొడక్షన్ పనులు ప్రస్తుతం ముమ్మరంగా జరుగుతున్నాయి.

జి.మనోహర్