బిజినెస్ లో తండ్రికే పోటీగా బన్నీ

Posted: 10/09/2013 06:49 PM IST

బొమ్మరిల్లు సినిమాలో సిద్దార్థ్ తన తండ్రికి తెలియకుండా బిజినెస్ చేయాలని బ్యాంకులోన్ కి అప్లై తండ్రి కి దొరికిపోతాడు. ఇక్కడ సీన్ కూడా అలాంటిదే. టాలీవుడ్ లో ప్రముఖ నిర్మాత అయిన అల్లు అరవింద్ గారికి ‘గీతా ఆర్ట్స్ ’ నిర్మాణ సంస్థ ఉన్న సంగతి తెలిసిందే. ఇప్పుడు దాన్ని కాదని అల్లు అరవింద్ రెండో కుమారుడు హీరో అల్లు అర్జున్ సొంతంగా నిర్మాణ సంస్థను తన స్నేహితులతో కలిసి ఓ నిర్మాణ సంస్థను ఏర్పాటు చేయబోతున్నారు. ఇందులో బన్నీ స్నేహితుడు అయిన బన్నీ వాసు, ఇంకా కొందరు స్నేహితులు భాగసామ్యులుగా ఉంటారట.

ఈ నిర్మాణ సంస్థకు ‘బీ బ్యాచ్ ప్రొడక్షన్స్ ’ పేరు పెట్టేశారట. ఈ బ్యానర్ లో త్వరలో ఓ సినిమాను కూడా చేయబోతున్నారట. ఈ బ్యానర్ కి మొదటి అవకాశం మారుతి ఇచ్చారట. ఈ సినిమాలో  కొత్త నటీ నటులతో చిన్న సినిమాలు నిర్మించడానికి ప్లాన్ చేస్తున్నారట. ప్రస్తుతం మారుతీ గీతా ఆర్ట్స్ లో ‘కొత్త జంట ’ సినిమాను  చేస్తున్నాడు. ఈ సినిమా తరువాత ఈ చిత్రం ఉంటుందని అంటున్నారు. రానున్న కాలంలో తన తండ్రి నిర్మాణ సంస్థకు ‘బీ బ్యాచ్ ’ ఝలక్ లు ఇవ్వదు కదా అని సినీ జనాలు  అనుకుంటున్నారు.