Posted: 07/05/2012 03:22 PM IST

     ఏదైనా సమస్య వస్తే దానికి సామదానదండోపాయాలు చేయాలంటారు పెద్దలు. ఇప్పుడు అటువంటిదే తెలుగు ఫిలిం ఇండిస్టీకి వచ్చింది. దేశంలో ఏ రాష్ట్రంలో వ్యాపారం చేసినా దానికి సంబంధించిన వ్యాట్‌ను నిర్మాతలే కట్టాలని రాష్ట్ర ప్రభుత్వం నుంచి నోటీసులు అందడంతో ఒక్కసారిగా ఖంగుతిన్నారు. 2005వరకు ఎపిజిఎస్‌టి అనేది ఉండేది. దాన్ని తీసేసి వ్యాట్‌ అనికొత్తగా పెట్టారు. ఈ ట్యాక్స్‌వల్ల ప్రతి పనిలోనూ నిర్మాత పన్నుకట్టాలి. సినిమా 10కోట్లతో తీస్తే.. తీసినందుకు ట్యాక్స్‌, ఆ తర్వాత ఆ సినిమాను డిస్ట్రిబ్యూటర్‌కు అమ్మితే మళ్లీట్యాక్స్‌ కట్టాలి..ఇలా ప్రభత్వం నిర్మాతలను దోపిడీచేస్తుందని అందుకే ఇప్పటికి 16సార్లు విన్నవించామని ఛాంబర్‌ అద్యక్షుడు డి.సురేష్‌బాబు తెలియజేశారు. చిరంజీవి నేత్రుత్వంలో ఈ బ్రుందం సీఎం కిరణ్ కుమార్ ను కలిసి తమ మొర వినిపించింది.
      ఎక్కడాలేని ట్యాక్స్‌ ను ఎందుకు కట్టాలని ప్రభుత్వాన్ని డిమాండ్‌ చేయవచ్చుకదా..అని అడిగితే మేం డిమాండ్‌ చేయడంలేదు, ఎందుకంటే... ప్రభుత్వం ఆదాయం కోసం రకరకాల కొత్తపన్నులు వేస్తుంది, అదిసరికాదంటూ...రిక్వెస్టచేసి చెబుతున్నాం.ఇప్పటికి 16సార్లు చేశాం. ఇప్పటికి సానుకూలంగా ప్రభుత్వం స్పందించింది. లేదంటే అప్పుడు అంతా ఏకమవుతామనేట్లుగా సందేశమిచ్చారు. అదెలా  దారితీస్తుందంటే,... సినిమాలు ఆపేయడమో, లేక చెన్నై వెళ్ళి సినిమాలు తీసుకోవడమో జరుగుతుందని పరోక్షంగా హెచ్చిరించారు. రెండు, మూడురోజుల్లో సినీపెద్దలతో చర్చలు జరుపుతారని చెప్పారు.

...avnk