భారీ లాభాల్లో స్టాక్ మార్కెట్లు

Posted: 05/18/2015 05:00 PM IST

Sensex surges nearly 400 points nifty at 8382

మే నెల ఆరంభంలో లాభాలను గడించిన స్టాక్ మార్కెట్లు తీవ్రంగా ఒడిదోడుకులను ఎదుర్కోంటున్నాయి. విదేశాల నుంచి వచ్చిన సానుకూల పవనాలకు తోడు.. లాభనష్టాల మధ్య దేశీయ సూచీలు దోబుచులాడుతున్నాయి. కాగా ఇవాళ వారంభంలో మార్కెట్లు భారీ లాభాలతో పుంజుకున్నాయి. ఉదయం మార్కెట్ ప్రారంభంలోనే లాభాలను చవిచూసిన సూచీలు.. క్రమంగా వాటిని నిలబెట్టుకుని భారీ లాభాలను ఆర్జించాయి. మార్కెట్లు ముగిసే సమయానికి సెన్సెక్ 363 పాయింట్లు, నిఫ్టీ 111 పాయింట్లను ఆర్జించాయి. మొత్తం 1668 సంస్థల షేర్లు లాభాల బాటలో పయనించగా, 1052 సంస్థల షేర్లు నష్టాలను చవిచూడగా, 173 సంస్థల షేర్లు తటస్థంగా నిలిచాయి.

అయిల్ అండ్ గ్యాస్ సూచీలు లాభాలను పుంజుకోవడంతో స్టాక్ మార్కెట్లు లాభాలను ఆర్జించాయి. బ్యాంకింగ్, అటో, క్యాపిటల్ గూడ్స్, కన్జ్యూమర్ డూరబుల్స్, హెల్త్ కేర్ సూచీలు బలంగా పుంజుకున్నాయి. వీటి ప్రభావం మిగిలిన సూచీలపై కూడా పడి రమారమి అన్ని సెక్టార్లు లాభాలలో పయనించాయి. ఈ నేపథ్యంలో ఇవాళ మార్కట్లు లాభాలబాటలో పయనించాయి. దీంతో ముగింపు సమయానికి సెన్సెక్ 363 పాయింట్ల లాభంతో 27 వేల 687 పాయింట్లతో ముగియగా, నిఫ్టీ 111 పాయింట్ల లాభంతో 8 వేల 374 పాయింట్ల వద్ద ముగిసింది. ఈ క్రమంలో గెయిల్, డాక్టర్ రెడ్డీస్ ల్యాబ్, జీ ఎంటర్టైన్మెంట్, అల్ట్రాటెక్ సిమెంట్, బిపిసీఎల్, తదితర సంస్థల షేర్లు లాభాలలో పయనించగా, ఏషియన్ పేయింట్స్, టెక్ మహీంద్రా, హీరో మోటో కార్ప్, కోల్ ఇండియా తదితర సంస్థల షేర్లు అత్యధిక నష్టాలను చవిచూశాయి.

జి మనోహర్