తీవ్ర ఒడిదోడుకుల మద్య ముగిసిన స్టాక్ మార్కెట్లు.

Posted: 05/19/2015 05:49 PM IST

క్రితం రోజు భారీ లాభాలను మూటగట్టుకుని.. ముందుకు దూసుకువెళ్లిన దేశీయ స్టాక్ మార్కెట్లు ఇవాళ తీవ్ర ఒడిదోడుకులను ఎదుర్కోన్నాయి. చివరకు మార్కెట్లు స్వల్ప నష్టాలను చవిచూస్తూ ముగిశాయి. విదేశాల నుంచి వచ్చిన సానుకూల పవనాలతో ఉదయం లాభాలతోనే ప్రారంభమైన మార్కెట్ లు ఒకానోక దశలో 185 పాయింట్ల లాభంతో దూసుకెళ్లాయి. ఆ తరువాత తీవ్ర ఒడిదోడుకులను ఎదుర్కోని.. ముగింపు సమయానికి సెన్సెక్స్ స్వల్ప నష్టాలను మూటగట్టుకుంది. మార్కెట్లు ముగిసే సమయానికి సెన్సెక్ 42 పాయింట్లు నష్టంతో 27 వేల 646 పాయింట్ల వద్ద ట్రేడింగ్ ముగించగా, అటు నిఫ్టీ 8 పాయింట్ల నష్టంతో 8 వేల 366 పాయింట్ల వద్ద స్థిరపడింది.  మొత్తం 1668 సంస్థల షేర్లు లాభాల బాటలో పయనించగా, 1052 సంస్థల షేర్లు నష్టాలను చవిచూడగా, 173 సంస్థల షేర్లు తటస్థంగా నిలిచాయి.

అయిల్ అండ్ గ్యాస్, పబ్లిక్ సెక్టార్ సంస్థల సూచీలు తిరోగమనంలో పయనించడంతో మార్కెట్లలో ఒక్కసారిగా అమ్మకాల ఒత్తడికి లోనైంది. వీటితో పాటు ఆటో బ్యాంక్, ఎప్ ఎంజీసీ, మద్యతరహా పరిశ్రమల సూచీలు కూడా నష్టాల బాటలో పయనించడంతో వాటి ప్రభావం స్టాక్ మార్కెట్ల పై బడింది. కాగా కన్యూమర్ డ్యూరబుల్స్, హెల్త్ కేర్, ఐటీ, మెటల్స్, చిన్న తరహా పరిశ్రమ సూచీలు స్వల్ప లాభాలలో పయనించడంతో.. ఎట్టకేలకు స్టాక్ మార్కెట్లు స్వల్ప నష్టాలతో ముగిసాయి. ఈ క్రమంలో అల్ట్రాటెక్ సిమెంట్, హీరో మోటో కార్ప్, వేదంత, విప్రో, ఇన్పోసిస్, తదితర సంస్థల షేర్లు లాభాలలో పయనించగా, టాటా మోటార్స్, హెచ్ డీ ఎఫ్ సీ, ఓ.ఎన్.జీ.సీ. కాయిర్న్ ఇండియా, యాక్సిక్ బ్యాంక్ తదితర సంస్థల షేర్లు అత్యధిక నష్టాలను చవిచూశాయి.

జి మనోహర్