Posted: 12/26/2012 06:52 PM IST

ఈ క్యాలండర్ ఏడాది (జనవరి-డిసెంబర్) మొత్తంమీద ఉద్యోగ కల్పన 21%మేర తగ్గిందని పారిశ్రామిక మండలి అసోచామ్ విశ్లేషించింది. వెరసి వివిధ రంగాలలో మొత్తం 5.2 లక్షల ఉద్యోగాల సృష్టి జరిగిందని తెలిపింది. ‘ఇండియాలో ఉద్యోగ పరిస్థితులు-2012’ పేరుతో వెలువరించిన నివేదికలో అసోచామ్ ఈ విషయాలను పేర్కొంది. ఏడాది మొత్తంమీద ఇన్ఫర్మేషన్ టెక్నాలజీ (ఐటీ) రంగం అత్యధికంగా 2.1 లక్షల ఉద్యోగాలను సృష్టించగా, విద్య, సంబంధిత రంగంలో 34,500 మంది జాబ్స్ వచ్చినట్లు తెలిపింది. ఈ బాటలో బీమా రంగం ద్వారా 27,100 మందికి, బ్యాంకింగ్‌లో 24,500, ఆటోమొబైల్‌లో 22,890, ఫైనాన్షియల్ సర్వీసెస్‌లో 22,500, తయారీ రంగంలో 20,400 మందికి ఉపాధి లభించినట్లు తెలిపింది. 4,000 కంపెనీల ఉద్యోగ ప్రకటనలను ఈ సర్వేలో పరిగణించారు.