ఉభయసభల్లో పాసైన లోక్ పాల్ బిల్లు

Posted: 12/18/2013 06:15 PM IST

ఎట్టకేలకు .. లోక్ పాల్ బిల్లు పార్లమెంట్లో పాసైంది. దీంతో అన్నా హజారే ఆనందంగా ఉన్నారు. ఇన్నాళ్లు కు లోక్ పాల్ బిల్లు కు ఎట్టకేలకు మోక్షం లభించింది. లోక్ పాల్ బిల్లుకు నిన్న రాజ్య సభ అమోదం తెలపగా, ఇవాళ లోక్ సభ అమోద ముద్ర వేసింది. లోక్ పాల్ బిల్లును పార్లమెంట్ ఆమోదించడంతో అన్నా హజారే దీక్షా శిబిరం వద్ద సందడి నెలకొంది. ఈరోజు ఉదయం ప్రశ్నోత్తరాల తర్వాత లోక్ సభ పున: పరిశీలన నిమిత్తం లోక్ పాల్ బిల్లును కేంద్రం సభలో ప్రవేశపెట్టింది. కేంద్రం మంత్రి కపిల్ సిబల్ చర్చను ప్రారంభిస్తూ .. రెండేళ్లుగా లోక్ పాల్ పై సభ లోపల, వెలుపల చర్చ జరుగుతోన్నారు. లోక్ పాల్ పై సెలెక్ట్ కమిటీ సిఫార్సులను పరిగణనలోకి తీసుకుని తుది రూపం ఇచ్చినట్లు చెప్పారు.

 

ప్రతిపక్ష నేత సుష్మాస్వరాజ్ మాట్లాడుతూ.. లోక్ పాల్ బిల్లును పున: పరిశీలించి ఆమోదిద్దామని సూచించారు. కేంద్రానికి వ్యతిరేకంగా సొంత పార్టీ నేతలే అవిశ్వాస తీర్మానం నోటీసు ఇచ్చారని విమర్శించారు. లోక్ పాల్ బిల్లును ఆమోదించే విషయంలో కేంద్రం ఏడాది జాప్యం చేసిందన్నారు. కాంగ్రెస్ ఎంపీ రాహుల్ గాంధీ మాట్లాడుతూ.. లోక్ పాల్ బిల్లు ఆమోదంతో చరిత్ర నెలకొల్పబొతున్నామన్నారు. లోక్ పాల్ తో మాత్రమే అవినీతి నిర్మూలన సాద్యం కాదని రాహుల్ వ్యాఖ్యానించారు.

 

లోక్ పాల్ బిల్లుకు పార్లమెంట్ లో ఆమోదం లభించడంతో రాలెగావ్ సిద్దిలోని అన్నా హజారే దీక్షా శిబిరం వద్ద సంబరాలు జరుపుకున్నారు. లోక్ పాల్ బిల్లును లోక్ సబ ఆమోదిస్తే దీక్ష విరమిస్తానని అన్నా హజారే ప్రకటించిన విషయం తెలిసిందే. దీంతో ఆయన అభిమానులు హజారేక మద్దతుగా నినాదాలు చేశారు.

 

అన్నా హజారే మాట్లాడుతూ .. రెండేళ్లుగా లోక్ పాల్ బిల్లు కోసం పోరాటం చేశామని, లోక్ పాల్ బిల్లు ఆమోదం కోసం కష్టపడిన వారందరికి క్రుతజ్నతలు తెలిపారు. లోక్ పాల్ బిల్లు ఆమోదం పొందడం ఆనందంగా ఉందన్నారు. ప్రజలందరూ బలమైన లోక్ పాల్ నుకోరుకుంటున్నారన్నారు.లోక్ పాల్ తోఅవినీతి నిర్మూలన సాద్యం కాకపోయినా, ప్రజలకు ఉపశమనం లాంటిదన్నారు. లోక్ పాల్ లో సవరణలు సూచించిన సెలెక్ట్ కమిటికి ధన్యవాదాలు తెలిపారు. లోక్ సభ ఎన్నికల్లోపు లోక్ పాల్ చట్టం అమల చేయాలని హజారే డిమాండ్ చేశారు. ఉభయసభల ఆమోదం పొందిన లోక్ పాల్ బిల్లును ప్రభుత్వం రాష్ట్రపతి ఆమోదానికి పంపించింది. రాష్ట్రపతి ఆమోద ముద్రతో లోక్ పాల్ -2011 చట్టం అమల్లోకి వస్తుంది .