మహిళలను తీసుకోవద్దు: కేంద్ర మంత్రి

Posted: 12/07/2013 12:54 PM IST

రాజకీయ నాయకులు రోజుకోక విధంగా మాట్లాడుతారు. గతంలో అమ్మాయిలపై విచిత్రమైనే ప్రకటనలు చేసి, తరువాత కాళ్లబేరానికి వచ్చిన రాజకీయ నాయకులు చాలా మంది ఉన్నారు. అయితే కేంద్ర సంప్రదాయేతర ఇంధన వనరులశాఖ మంత్రి ఫరూక్ అబ్దుల్లా మహిళలపై విచిత్రమై వ్యాఖ్యలు చేయటంతో పెద్ద దుమారం రేగింది. మహిళలను వ్యక్తిగత కార్యదర్శులుగా (పిఏలు) తీసుకోవద్దని, ఒకేవేళ తీసుకుంటే జైలుకు వెళ్లాల్సి వస్తుందని అన్నారు. మంత్రి గారు ఏ ఉద్దేశంతో అన్నారో తెలియదు గానీ మొత్తానికి పెద్ద దుమారం రేపాడు. కేంద్ర మంత్రి చేసిన వ్యాఖ్యలపై మహిళ సంఘలు, ప్రతిపక్ష పార్టీల నుంచి తీవ్ర వ్యతిరేకత వస్తుంది.

 

వెంటనే కేంద్ర మంత్రి ఫరూక్ చేసిన వ్యాఖ్యలను వెనక్కి తీసుకోని, మహిళలకు క్షమాపణలు చెప్పాలని మహిళ సంఘాలు డిమాండ్ చేస్తున్నాయి. ఈవిషయం తెలుసుకున్న కాశ్మీర్ ముఖ్యమంత్రి ఒమర్ అబ్ధుల్లా రంగంలోకి కేంద్ర మంత్రి ఫరూక్ అబ్ధుల్లా క్షమాణలు చెప్పాల్సిందేనని కోరటంతో.. చివరకు ఫరూక్ కాళ్ల బేరానికి వచ్చారు. అసలు ఫరుకా ఇలా నోరు జరటానికి కారణం ఉందని అంటున్నారు. రీసెంట్ గా సుప్రీంకోర్టు మాజీ న్యాయమూర్తి గంగూలీ, ఇతర ప్రముఖులు లైంగిక వేధింపుల వివాదంలో చిక్కుకోవటంపై విలేకరులు అడిగిన ప్రశ్నలపై స్పందిస్తూ ఫరూక్ ఈ వ్యాఖ్యలు చేయటం వివాదాస్పదంగా మారింది. ‘ఓ మహిళను కార్యదర్శిగా నియమించుకోరాదని భావిస్తున్నా. కర్మకాలి ఏదైనా ఫిర్యాదు దాఖలైందంటే మేం జైలు పాలు కావాల్సిందే’ అని పార్లమెంట్ భవనం వద్ద ఆయన మీడియాతో పేర్కొన్నారు.

 

అయితే ఈ పరిస్థితికి తాను యువతులను నిందించటం లేదని సమాజమే దీనికి కారణమని చెప్పుకొచ్చారు. అనంతరం ఈ వ్యవహారంపై తన తనయుడితోపాటు పలు వర్గాల నుంచి విమర్శలు వ్యక్తం కావటంతో ఫరూక్ దిగి వచ్చారు. ‘ప్రజలు నా వ్యాఖ్యలను తప్పుగా అర్థం చేసుకున్నందుకు చింతిస్తున్నా. ఎవరినీ కించపరిచేలా నేను మాట్లాడలేదు. ఏదేమైనా నా మాటల్లో పొరపాటుంటే క్షమాపణలు చెబుతున్నా’ అని చెప్పారు.