జైపాల్ రెడ్డి హెచ్చరిక

Posted: 11/09/2013 08:47 PM IST

సీమాంద్ర నేతలకు కేంద్ర మంత్రి ఎస్ జైపాల్ రెడ్డి ఒక హెచ్చరిక చేశారు. తెలంగాణ రావటం ఖాయం. తెలంగాణకు సీమాంద్ర నేతలు ఎవరు అడ్డుపడవద్దని ఆయన హెచ్చరించారు. జనవరి ఒకటవ తేదీకల్లా తెలంగాణ రాష్ట్రం అవతరిస్తుందని జైపాల్‌రెడ్డి చెప్పారు.

 

అందుకు విరుద్ధంగా జరిగితే గట్టిగా ఎదుర్కొంటామని ఆయన చెప్పారు. సోనియా గాంధి తెలంగాణ ఇస్తామని చెప్పారు, ఇచ్చారని ఆయన గుర్తు చేశారు. నెహ్రూ మాట కాదని ఆ రోజున పంజాబ్ ఇచ్చారని, ఇందిర మాట కాదని మారుతున్న కాలానికి అనుగుణంగా సోనియా తెలంగాణ ఇచ్చారని ఆయన ప్రశంసించారు.

 

తెలంగాణ రథచక్రాలు కదిలాయని, అడ్డు వస్తే వారికే కష్టం, నష్టం అని సీమాంధ్ర నాయకులను ఉద్దేశించి జైపాల్ రెడ్డి హెచ్చరించారు. దశాబ్దాల పోరాట ఫలితంగా తెలంగాణ వచ్చిందని, తెలంగాణ కోసం తామంతా ఎన్నో త్యాగాలు చేశామని ఆయన ఈ వ్యాఖ్యానించారు. తెలంగాణాకోసం ఓర్పుతో ఎదురుచూస్తున్నామని, నియోజకవర్గాలకు వెళ్లకుండా తాము తెలంగాణాకోసం కృషి చేస్తున్నామని ఆయన చెప్పారు.

 

హైదరాబాద్‌ను కేంద్రపాలిత ప్రాంతం(యుటి) చేస్తే ఊరుకునేదిలేదన్నారు. భద్రాచలం ముమ్మాటికీ తమదేనని ఆయన స్పష్టం చేశారు. తెలంగాణ కల త్వరలోనే సాకారమవుతున్న ఈ దశలో ఎవ్వరూ అడ్డుపడకూడదని ఆయన సలహా ఇచ్చారు. విభజనపై సీమాంద్ర నేతల చేస్తున్న ప్రయత్నాలు మానుకోవాలని జైపాల్ రెడ్డి హెచ్చరించారు. ఇక సీమాంద్ర నేతలు జైపాల్ రెడ్డి హెచ్చరికలు ఎలాంటి సమాదానం చెబుతారో చూడాలి.